忠誠盆菜館

Open Now

Now Closed

以前係大尾督踩完單車，都會過去食，自從啲水準差左之後都無去幾年。最近無晚市堂食，團年飯屋企人話訂盤菜，佢哋都推介忠誠，於是再比機會佢，訂左貴啲嘅12人鮑魚一品盤菜。我地14人，用gas爐番熱後，大家就係咁搶食，雖然仲加左啲韓燒，但成盤菜好快食哂。其實盤菜係好足料，不過太好味，屋企人一路食一路贊，好快就食完。飽魚彈牙，蝦大隻新鮮香脆，雞唔鞋口，五花腩夠淋，白蘿蔔豬皮索埋啲湯汁食好正，唯一係啲花膠細隻啲。如果繼續保持呢個水準會推介。本來有送貨安排，但擔心呢啲日子容易有漏單，於是外賣自取，在網上落單後，佢地都即時打電話嚟確認，不過最終去到都話無我地張單，好彩即時補貨。