Video
Read full review
2017-06-28
342 views
5年前去韓國自由行時重復食左3次嘅韓國春川炒辣雞番到香港一直想食番，但原來香港好少地方賣炒辣雞。當我知道柳氏家係香港開店之後，一直好期待，終於拉埋男朋友一齊去食我地諗住避開午餐高峰時段，大約2點半上到去點知原來要拎籌仲要等30幾個籌好驚無得食因爲午餐時間去到5PM咋。唯有周圍行住等，大概到5點先入座。下次要記得早啲拎籌先！我地揀左60分鐘招牌柳氏家炒辣雞($88/位)+$30升級惹味芝士，仲可以免費任食自助區美食/飲品及甜品。飲品種類超級多，有2個飲品雪櫃，過20款韓國飲品包括汽水果汁烏龍茶，另外亦有熱飲供應例如咖啡綠茶等。炸魷魚圈一出好快就無曬，熱辣辣脆卜卜超好食，如果有埋沙律醬會更好味。炸雞有2原味&甜辣2款味道，甜辣味比較好食，依個價錢食到任食炸雞真係超抵除左炸物，亦有熱盤包括: 辣炒年糕、牛肉粉絲、辣炒五花肉、炖牛腩等。推薦必食辣炒五花肉，好惹味，仲可以拎生菜夾埋整生菜包熱湯係紫菜湯，大醬湯。前菜&配菜: 前菜有4款，分別係泡菜、蘿蔔泡菜、醃黃瓜、辣魷魚絲。泡菜少辣，醃黃瓜偏酸，辣魷魚絲有驚喜醬汁係甜辣，做餐前小食一流配菜有蒜片、辣椒及生菜，生菜好新鮮主角: 柳氏家辣炒雞侍應會
我地諗住避開午餐高峰時段，大約2點半上到去點知原來要拎籌仲要等30幾個籌好驚無得食因爲午餐時間去到5PM咋。唯有周圍行住等，大概到5點先入座。下次要記得早啲拎籌先！
我地揀左60分鐘招牌柳氏家炒辣雞($88/位)+$30升級惹味芝士，仲可以免費任食自助區美食/飲品及甜品。
飲品種類超級多，有2個飲品雪櫃，過20款韓國飲品包括汽水果汁烏龍茶，另外亦有熱飲供應例如咖啡綠茶等。
炸魷魚圈一出好快就無曬，熱辣辣脆卜卜超好食，如果有埋沙律醬會更好味。
炸雞有2原味&甜辣2款味道，甜辣味比較好食，依個價錢食到任食炸雞真係超抵
除左炸物，亦有熱盤包括: 辣炒年糕、牛肉粉絲、辣炒五花肉、炖牛腩等。推薦必食辣炒五花肉，好惹味，仲可以拎生菜夾埋整生菜包
熱湯係紫菜湯，大醬湯。
前菜&配菜:
前菜有4款，分別係泡菜、蘿蔔泡菜、醃黃瓜、辣魷魚絲。泡菜少辣，醃黃瓜偏酸，辣魷魚絲有驚喜醬汁係甜辣，做餐前小食一流
配菜有蒜片、辣椒及生菜，生菜好新鮮
主角: 柳氏家辣炒雞
侍應會幫你炒熟啲雞之後再圍邊倒芝士。
雞肉醃料太多，比較重口味而且辣。
椰菜同蕃薯偏爽身，如果腍啲會更好。
年糕十分煙韌，好味
辣炒雞可以選配飯或拉麵，拉麵過腍。
圍邊芝士除左可以卷鐵板雞，自己美食區嘅炸雞都可以一齊卷黎食。好邪惡呀芝士係拉絲嘅但芝士味無乜，另外侍應炒完雞會熄爐，芝士好快變硬。
男朋友話係Haagen-Dasz，俾佢呃左個雪糕係以前雀巢嘅三色雪糕味道，仲要勁耐都唔融，千其唔好食呀
特別一講，依間餐廳有個位可以USB叉電好貼心。
另外自助美食區REFILL嘅速度好快，剩少少已經拎入廚房再出新一盤。
Post
