Video
Read full review
2023-12-10
58 views
冇月光寶盒同時光機，要回到過去冇可能，但回味過去就好容易。以前大學有10蚊頹飯，因為咁慳好多錢，而且味道又唔差。但係總覺得應該可以食好啲，第時出嚟做野同人食飯傾計信心都大d。依家幸福好多，睇睇呢間喺浸會大學嘅西餐廳你就知。自選3 course喺簡單但滿足既一餐。 🍖 南瓜湯做得綿滑又杰身，南瓜嘅清甜味道縈繞口腔。麵包粒除咗係視覺點驟，佢既酥脆往往可以造成反差，突顯南瓜湯嘅順滑。哩度麵包粒比坊間嘅相對大粒，因此就唔會咁易變得林身，所以可以保持到呢個效果。 🍖三文魚他他，喺推介之選，佢裡面除左三文魚，又有蝦肉，蟹肉。三文魚同蝦肉喺切成一粒粒，當然蟹肉就係一絲絲。撈埋一齊個樣反而似吞拿魚蓉。但係口感就好豐富。兩種脆身既粒粒，各自各精彩但係又互相協調。蟹肉就成為聯繫佢地兩者關鍵。而且又係反差嘅代表作，因為蟹肉本身喺柔軟，而且可以粘合兩者。 🍖最後食左手作意粉配大啡菇。平時食大啡菇都係一整個甘上。成隻燒就好容易變得乾身，哩度巧妙咁將佢切開，處理好之後再拼合成為原形，所以俾全隻煮既較為juicy 同林身，更易入口。手工麵，就剛好相反，煮反短的時間，增加彈性，同令麵身比較有咬感。最有心思係，喺麵同大
🍖 南瓜湯做得綿滑又杰身，南瓜嘅清甜味道縈繞口腔。麵包粒除咗係視覺點驟，佢既酥脆往往可以造成反差，突顯南瓜湯嘅順滑。哩度麵包粒比坊間嘅相對大粒，因此就唔會咁易變得林身，所以可以保持到呢個效果。
🍖三文魚他他，喺推介之選，佢裡面除左三文魚，又有蝦肉，蟹肉。三文魚同蝦肉喺切成一粒粒，當然蟹肉就係一絲絲。撈埋一齊個樣反而似吞拿魚蓉。但係口感就好豐富。兩種脆身既粒粒，各自各精彩但係又互相協調。蟹肉就成為聯繫佢地兩者關鍵。而且又係反差嘅代表作，因為蟹肉本身喺柔軟，而且可以粘合兩者。
🍖最後食左手作意粉配大啡菇。平時食大啡菇都係一整個甘上。成隻燒就好容易變得乾身，哩度巧妙咁將佢切開，處理好之後再拼合成為原形，所以俾全隻煮既較為juicy 同林身，更易入口。手工麵，就剛好相反，煮反短的時間，增加彈性，同令麵身比較有咬感。最有心思係，喺麵同大啡菇之間，加左好多切碎左嘅蘑菇，變成左三重口感。咁嘅處理除咗造成反差，仲形成層次。
✨️價錢唔貴，但係豐富左大學生入社會之前嘅體驗，淨係1點都值得嘉許。我仲見今晚有大學生攞支酒喺呢度飲，可能都係free corkage。不禁又羨慕而家嘅大學生。但同時欣慰而家大學為學生提供嘅福利越來越多。
Post
