Video
Read full review
2021-07-25
1888 views
當你睇到呢篇食評嗰陣，其實Bistro Bon已經結業喇～我想記錄返一次喺Bistro Bon食晚餐嘅經歷，但願遲啲再有機會喺香港食到！（最尾有交代Bistro Bon嘅去向）.Bistro Bon係一間位於九龍塘浸大嘅西餐廳，同浸大入面嘅其他canteen唔同，Bistro Bon顯然係一間比較高級嘅餐廳，喺呢度你可以食到各種各樣嘅西式食物、具異國風情嘅美味料理，絕對唔會係「頹飯」～雖然係咁，但由於佢嘅下午茶實在係太抵食，基本上三十幾蚊就有交易，價錢居然同浸大嘅其他canteen相若，所以浸大人都會視佢為午後之食堂，稱之為BB Can (Bistro Bon Canteen).呢晚喺Bistro Bon食咗幾樣嘢～落完單之後，店員就送上餐包同牛油，一嚿外表好似煎堆咁嘅樣嘅包，外脆內軟，又甜甜地，好特別呀！另一嚿包望落就好似scone，又脆又香，好吃～.主食方面，我嗌咗個豬下巴意粉，其實人哋全名係叫煙燻伊比利亞豬下巴香蒜辣椒意粉～豬下巴喺出面好少機會食到，覺得佢幾特別就叫咗嚟試！意粉嘅份量雖然唔多，但真係好高質！廚師首先慢慢煎香豬下巴，逼晒佢啲油出嚟之後，再放意粉落鑊炒，所以每啖意粉都
.
Bistro Bon係一間位於九龍塘浸大嘅西餐廳，同浸大入面嘅其他canteen唔同，Bistro Bon顯然係一間比較高級嘅餐廳，喺呢度你可以食到各種各樣嘅西式食物、具異國風情嘅美味料理，絕對唔會係「頹飯」～雖然係咁，但由於佢嘅下午茶實在係太抵食，基本上三十幾蚊就有交易，價錢居然同浸大嘅其他canteen相若，所以浸大人都會視佢為午後之食堂，稱之為BB Can (Bistro Bon Canteen)
.
呢晚喺Bistro Bon食咗幾樣嘢～落完單之後，店員就送上餐包同牛油，一嚿外表好似煎堆咁嘅樣嘅包，外脆內軟，又甜甜地，好特別呀！另一嚿包望落就好似scone，又脆又香，好吃～
餐包
26 views
0 likes
0 comments
.
主食方面，我嗌咗個豬下巴意粉，其實人哋全名係叫煙燻伊比利亞豬下巴香蒜辣椒意粉～豬下巴喺出面好少機會食到，覺得佢幾特別就叫咗嚟試！意粉嘅份量雖然唔多，但真係好高質！廚師首先慢慢煎香豬下巴，逼晒佢啲油出嚟之後，再放意粉落鑊炒，所以每啖意粉都食到豬油嘅甘香！除此之外，炒意粉時落咗香蒜同辣椒，所以入口個味道非常豐富，有油香、有蒜味、又辣辣哋，真係好正呀！意粉比平時食嗰啲更幼細，我覺得佢更似天使麵，質感煙韌，煮得恰到好處！（因為我好怕食嗰啲煮到過晒火稔到不得了嘅意粉！）
煙燻伊比利亞豬下巴香蒜辣椒意粉
25 views
0 likes
0 comments
.
食完個意粉，全晚嘅重頭戲終於來了！就係呢個要事先預訂嘅威靈頓牛柳！賣相真係好吸引，酥皮金黃，花紋細緻～個酥皮食到最後一嚿牛柳嗰時都仲係酥脆卜卜㗎！
威靈頓牛柳
33 views
0 likes
0 comments
.
牛柳叫咗medium五成熟，唔會太生又唔會太熟，牛柳中心呈粉紅色～牛柳肉質嫩滑多汁，絕對唔嚡口！酥皮同牛柳之間有一層鵝肝醬，鵝肝醬除咗好香嘅鵝肝味，仲有濃郁嘅菇菌黑松露味！個醬仲食到火腿塊，十分有誠意～伴碟一啲都唔馬虎， 薯蓉好重牛油同奶味，入口好綿滑好smooth！真係估唔到連個薯蓉都咁好食，賣相仲要咁靚！好滿足呀！
威靈頓牛柳
22 views
0 likes
0 comments
威靈頓牛柳
26 views
0 likes
0 comments
.
甜品方面，我叫咗檸檬撻，正正常常啦～個檸檬餡雖然有少少酸，但連埋上層嘅蛋白一齊食就剛剛好！
檸檬撻
30 views
0 likes
0 comments
.
位於浸大嘅Bistro Bon喺7月15號已經結業，餐廳喺social media透露未來有機會喺尖沙咀再同大家見面～希望之後仲有得試佢其他嘅特色嘢啦！
Post
