上海豆漿大王

Open Now

Now Closed

自從畢業後就冇食過上海豆漿大王，好懷念。點咗最愛之一嘅糖醋排骨麵配雪菜。排骨同麵係分開上。糖醋排骨嘅味道真係令人回味，超入味，酸中帶甜。不過咁多年排骨都係有少少嚡。麵係上海粗麵，一般黎講我都唔太鐘意亦唔會主動叫粗麵，因為冇味，難吸湯汁，感覺似食麵粉。不過呢間因爲有最愛嘅糖醋汁及雪菜配麵食，食落味道唔會話淡到一個點。如果同我都有呢個重口味嘅問題嘅人，就建議配粉絲喇。成碗麵好大碗，食咗一半已經飽。另外叫咗兩份鍋貼（總共：6件）同屋企人share食。鍋貼個皮脆口，咬落都有肉汁。但皮有d厚。從個碟底亦睇到幾多油下。豆漿要散點。一杯凍，兩杯熱。我飲咗一啖凍豆漿就決定比阿爸飲。實在甜，甜味蓋咗豆味。以前唔太鐘意飲熱豆漿，因為佢本身冇加糖，要自己一匙一匙落砂糖，變相就會發覺覺己飲咗好多糖分，有罪惡感。因為呢個原因我今次就冇落糖。飲落有淡淡豆香。唔知係唔係人大咗，比糖分嘅接受程度減少咗，唔落糖嘅豆漿味道剛剛好，都已經有甜味。水準多年都保持到👍🏻👍🏻有機會要再黎回味下。