Video
Read full review
2023-09-18
1500 views
早排睇到網上一篇文章，大約意思係"以為已執粒但仍然營業嘅餐廳"!，其中一間餐廳就係扒王之扒，因工作關係，近排經常要落新填地，經過山東街，見到大大個中文書法字嘅扒王之王招牌已經有親切感，再加上係香港風味嘅霓虹光管招牌，回覆返哂嚟啦!餐廳唔係開咗好耐，都係四個月貨仔，不過點都要支持吓啦!上到去，見到條長長樓梯指住要上二樓，嚇死我以為無電梯!我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁.優點:1, 待應問我地鐵板上定碟上，當然鐵板上，鐵板發出獨有咋咋聲，鐵板夠熱唔係凍冰冰.2, 紅白餐湯雖然質感比較水，但味道唔算淡，合格啦!3, 伴碟用上粟米粒，雖然唔係用上我愛嘅三色豆 (依家D三色豆質素愈來愈差囉!) 但總好過俾半個蕃茄 or 西蘭花 or 椰菜.4, 有D扒房，件扒又醃過，汁又味濃，結果一併埋就過鹹，但今次幫襯扒王之王，兩件扒都無醃過，黑椒汁味道適中唔會過鹹而且惹味.5, 有D餐廳幫你淋D汁上鐵板，但我中意切完件牛扒先上D汁上，扒王之王係後者，夾自己習慣.6, 頂級西冷肉質鬆軟，讚!7, 雖然只係開咗幾個月，但D待應好熟手，服務態度不差.8, 價錢唔係
餐廳唔係開咗好耐，都係四個月貨仔，不過點都要支持吓啦!
上到去，見到條長長樓梯指住要上二樓，嚇死我以為無電梯!
我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁.
優點:
1, 待應問我地鐵板上定碟上，當然鐵板上，鐵板發出獨有咋咋聲，鐵板夠熱唔係凍冰冰.
2, 紅白餐湯雖然質感比較水，但味道唔算淡，合格啦!
3, 伴碟用上粟米粒，雖然唔係用上我愛嘅三色豆 (依家D三色豆質素愈來愈差囉!) 但總好過俾半個蕃茄 or 西蘭花 or 椰菜.
4, 有D扒房，件扒又醃過，汁又味濃，結果一併埋就過鹹，但今次幫襯扒王之王，兩件扒都無醃過，黑椒汁味道適中唔會過鹹而且惹味.
5, 有D餐廳幫你淋D汁上鐵板，但我中意切完件牛扒先上D汁上，扒王之王係後者，夾自己習慣.
6, 頂級西冷肉質鬆軟，讚!
7, 雖然只係開咗幾個月，但D待應好熟手，服務態度不差.
8, 價錢唔係貴，環境唔錯，一邊係優雅環境另一邊有 Disco Feel.
缺點:
1, 冷氣不足.
2, Menu 上居然有我嘅大愛芒果沙冰，但落單時話無售! 攪錯呀! 太太太失望!
3, 最初俾咗埋邊近水吧嘅四人枱，但好多細細隻蚊茲仔! 之後有兩轉客坐低之後無耐都話要轉枱!
4, 份餐掙個牛油同熱辣辣餐包仔!
5, 有骨肉眼7成熟變全熟，結果肉質硬咗D唔夠鬆軟.
据完扒之後行樓梯離開，原來下一層係卡啦OK，經過門口聽到入面有個女魔音簡直係地獄之音，深深感覺到女友小熊嘅魔音原來係天使之聲.
93 views
0 likes
0 comments
82 views
0 likes
0 comments
48 views
0 likes
0 comments
63 views
0 likes
0 comments
Post
