拾柒號冰室 (Closed)

4-6-2005或5-6-2005 1700是日天色陰陰，但冇雨落，加上胃口麻麻，好晚先至食午飯及提早晚飯，唔想係附近食就算，自己一條友搭van仔到藍灣半島搵食，記得Li兄說這裡不受單身人仕歡迎，是日初頭入到門口，都係冇人理，我企多陣，senior職員先叫的靚帶位。翻開茶餐，麻麻地，佢地有散叫撈麵，仲買到咁貴，睇下係唔係物有所價，選擇了雞扒撈公仔麵。用了好似快餐店兩菜一湯的碟載著，麵的份量也不少，雞扒居然有兩份，有點喜出望外，而撈既汁只係洋葱汁，隔離居然仲有三塊炸薯格，食物一定唔會係新鮮即製，但卅四蚊有咁既質量，仲想點？加埋杯凍啡，差唔多要五十蚊。題外話：這裡的侍應，大部份都係後生仔女，人情世固及認真程度係差少少，希望他們可以被鞭策及洗禮，繼續成長啦。