Running 燒 (Closed)

疫情已持續一段時間，最近終於可以晚市堂食，所以決定食餐勁既。知道將軍澳開左間新韓燒，唔洗再去旺角燒，一定要試下先！一入內已見到好多熟食，有炒豬腩肉、炒牛肉、辣炒年糕、泡菜煎餅等。。仲有不同種類既蔬菜同菇類，連大菇都有得燒。另外前菜及甜品都係任拎架，好吸引。飲品櫃都有兩大個，有一些韓式飲品、汽水同清熱飲品。雪糕櫃更落重本，有dryers 新出的雪芭雪條！每款共享熟食都有蓋蓋著，客人亦會戴回罩拎食物，所以食得放心。不過黎到食韓燒，重點當然要放在燒肉上。這裡有齊豬、牛、雞、羊同海鮮可以任點。個人極力推介牛柳片、牛五花肉及豬腩肉，好有肉味，而且油脂分布剛好，不會太肥。雞翼亦比想像中好食😋。另多，這裏有芝士生蠔同帶子可以燒呢，我食左好多粒帶子呀，哈哈，真的值回票價。