樂天大喜屋 (Closed)

對話同美食都係重要嘅input，兩者兼備好幸運。放工就要食好西，獎勵自己。食放題好處係可以放任咁食，化今日嘅喜悅同聽日工作嘅悲憤為食量。放題以日式為主，當然唔少得刺身。三文魚、帶子好厚身。蝦都有好多種，有虎蝦、赤蝦、甜蝦，個人最鍾意虎蝦，大大隻，又鮮甜。除咗刺身，壽司亦都係回本之選。壽司都好有心機。黑松露赤蝦拖羅蓉魚生塔，淨係個名都知道好豐富，各種食材配合得好好，黑松露更加突出拖羅鮮味，唔會喧賓奪主。芝士鰻魚玉子燒好邪惡，令人一啖接一啖。卷物最推介香芒吉列蝦卷。Juicy嘅芒果加脆口嘅蝦令口感唔單一。香芒令到味道更據層次，增加清新感。熟食都有唔同選擇，仲可以自助攞章魚燒。Encore食嘅係炸鮮奶，外脆內軟。牛奶甜甜地，係好吸引嘅小食+甜品。芝麻雞翼都好香口惹味。食得好滿足，臨走仲有movenpick 雪糕。