Video
Read full review
2012-04-04
382 views
除o左印度菜之外, 川菜亦係我o既至愛. 近年o係元朗區出現o左好多川菜館, 對於鍾意食辣o既我, 從此無須北上又有好多好選擇.第一次食元朗o既川菜係o係「一品紅」, 覺得佢地o的雞煲唔錯, 但之後幾次叫(食送)食飯, 覺得佢地o的水準唔夠穩定, 於是決定搵多幾間試o下, 「香辣風」就係其中之一.呢度都好近港鐵o既朗屏站, 離「一品紅」亦只係大約兩個街口左右, 十分方便. 對面就係水邊圍村, 所以平時都有好多附近o既街坊o黎幫襯, 一到晚上 7:30pm - 8:00pm 就座無虛席.點菜方面完全冇難度, 除o左傳統o既一張過文字餐單 (分小菜同粉麵兩種, 見上圖) 之外, 舖頭o既兩邊牆都掛上推介食品圖片o既banner, 方便顧客選擇, 十分體貼週到. o黎之前我睇o左呢度食評o既推介, 早已有心水選擇. 一坐低, 即刻嗌o左: "麻辣牛肉" (HK$42) - 係凍小食, 嗌o左要最辣(應該比餐牌上o既 「大辣」更辣). 一上檯見到紅紅o既麻辣醬料鋪滿肉面, 已令我相當興奮. 一路食落去, 就知道 "牛肉" 原來係牛輾, 所以一o的都唔韌, 又有芽菜鋪底. 麻辣醬麻香味足, 又
第一次食元朗o既川菜係o係「一品紅」, 覺得佢地o的雞煲唔錯, 但之後幾次叫(食送)食飯, 覺得佢地o的水準唔夠穩定, 於是決定搵多幾間試o下, 「香辣風」就係其中之一.
呢度都好近港鐵o既朗屏站, 離「一品紅」亦只係大約兩個街口左右, 十分方便. 對面就係水邊圍村, 所以平時都有好多附近o既街坊o黎幫襯, 一到晚上 7:30pm - 8:00pm 就座無虛席.
點菜方面完全冇難度, 除o左傳統o既一張過文字餐單 (分小菜同粉麵兩種, 見上圖) 之外,
舖頭o既兩邊牆都掛上推介食品圖片o既banner, 方便顧客選擇, 十分體貼週到. o黎之前我睇o左呢度食評o既推介, 早已有心水選擇. 一坐低, 即刻嗌o左:
"麻辣牛肉" (HK$42) - 係凍小食, 嗌o左要最辣(應該比餐牌上o既 「大辣」更辣). 一上檯見到紅紅o既麻辣醬料鋪滿肉面, 已令我相當興奮. 一路食落去,
就知道 "牛肉" 原來係牛輾, 所以一o的都唔韌, 又有芽菜鋪底. 麻辣醬麻香味足, 又夠辣勁, 配以咁多片嫩滑o既牛輾, 令人食慾大增!
跟住o黎重頭戲 "辣子雞" (HK$78) - 同樣嗌o左要最辣. 捧上檯時真係大碟到難以致信, 係 3 - 4 人o既份量! 大量辣椒o既刺激香氣同熱氣令我精神為之一振, 一路食落, o的雞件炸得恰到好處, 又大件又juicy, 唔會好似「一品紅」咁炸到乾僧僧兼碎嫌嫌, 非常底讚! 唔單止咁, 一路食, 我重發現:
辣椒同雞件o既比例大約係 6 比 4, 比起其他川菜館辣子雞o既 7 比 3 (有o的甚至係 8 比 2!), 呢度o既辣子雞絕對係超值! 熱熱o既油爆紅辣椒配以炸得o岩o岩好o既雞, 使我o既味覺進入o左激烈又美妙o既空間, 係難以影容咁好! 送飯送酒一流. 絕讚推薦!
有咁好質素o既食物, 當晚連乾三碗白飯加"青島" 一支. 埋單 HK$153, 絕對超值.
Other Info. :
(1) 見到好多檯客都有嗌雞煲o黎食, 兼賣相唔錯, 下次有機會我都會試o下.
(2) 呢度係家庭式經營, 服務週到. 見到有客因為滿座, 諗住原本堂食雞煲改為外買. 的伙記一見到有客埋單, 就立即問個客有冇興趣堂食兼留檯俾佢, 個客當然say yes, 仲讚伙記好有心添!
(The above review is the personal opinion of a user which does not represent OpenRice's point of view.)
Post
