Video
Read full review
2012-03-31
163 views
我鍾意食 Ebeneezer's (以下簡稱 「E記」) 係始於大約6、7年前, 偶然經過灣仔駱克道 / 盧押道o既o個間小店開始. 依家越做越多分店, 灣仔、老蘭、老尖甚至愉景灣、黃金海岸、昂平都有.以往由於工作地點關係, 平時禮拜五放工後多數會到老尖亞士厘道o既分店食晚飯, 但係o個度環境好擠迫, 成日滿座, 要o拿o拿聲食完閃讓座俾等緊位o既人, 心裡非常之唔舒服, 話晒我係o黎享受晚餐, 點解要貼錢買難受? 而且亦覺得亞士厘道分店o既食品質素有下降o既趨勢, 所以尋晚就決定o黎呢間時有路過o既寶勒巷分店開餐, 睇o下呢個新發現會唔會為我帶來驚喜. 呢度個場大過亞士厘道分店, 檯凳o既分佈明顯闊落o左, 人流亦冇亞士厘道o個邊咁憾憾聲, 所以食o左成晚, 雖然高朋滿座, 但就一o的都冇趕頭趕命要食完俾位人o既壓迫感, 加上老闆同伙記有善o既服務態度, 尋晚食得真係相當遊閒同舒暢. 剩係呢點已經值得我加分! 食o左o的乜? 立即去片: Onion Bhaji (炸洋蔥餅; HK$23): 炸洋蔥餅三件上連薄荷醬, 份量相當大件. 千祈唔好見到炸到咁深色就以為係炸穠o左, 其實呢味小
我鍾意食 Ebeneezer's (以下簡稱 「E記」) 係始於大約6、7年前, 偶然經過灣仔駱克道 / 盧押道o既o個間小店開始. 依家越做越多分店, 灣仔、老蘭、老尖甚至愉景灣、黃金海岸、昂平都有.
以往由於工作地點關係, 平時禮拜五放工後多數會到老尖亞士厘道o既分店食晚飯, 但係o個度環境好擠迫, 成日滿座, 要o拿o拿聲食完閃讓座俾等緊位o既人, 心裡非常之唔舒服, 話晒我係o黎享受晚餐, 點解要貼錢買難受? 而且亦覺得亞士厘道分店o既食品質素有下降o既趨勢, 所以尋晚就決定o黎呢間時有路過o既寶勒巷分店開餐, 睇o下呢個新發現會唔會為我帶來驚喜.
呢度個場大過亞士厘道分店, 檯凳o既分佈明顯闊落o左, 人流亦冇亞士厘道o個邊咁憾憾聲, 所以食o左成晚, 雖然高朋滿座, 但就一o的都冇趕頭趕命要食完俾位人o既壓迫感, 加上老闆同伙記有善o既服務態度, 尋晚食得真係相當遊閒同舒暢. 剩係呢點已經值得我加分! 食o左o的乜? 立即去片:
Onion Bhaji (炸洋蔥餅; HK$23): 炸洋蔥餅三件上連薄荷醬, 份量相當大件. 千祈唔好見到炸到咁深色就以為係炸穠o左, 其實呢味小食係用o左切粹o既洋蔥, 再混埋用雞豆麵粉 (gram flour) 同香料製成o既炸漿而成, 所以炸出黎o既效果就會係咁, 食落口完全冇炸穠或者油燱味o既感覺.切開o黎睇睇裡面:
就會見到一粒粒o既洋蔥同雞豆麵粉混和而成o既餡, 食落好似食緊薯蓉咁充實, 點埋薄荷醬非常好味, 一人一件送啤酒o岩o岩好. 正!
Chicken Biriyani (雞肉炒飯; HK$49)正如樓下o既食家所講, 亞士厘道分店o既本地客較多, 為o左遷就佢地o既口味, 所以o個度的食品原有o既濃辣風味都被 tune down o左, 無以前咁好食. 今次哎o既雞肉炒飯我指明要辣 (spicy), 睇下佢地做唔做到應有o既水準, 結果係: 滿分! 夠辣, 夠重口味, 又唔會炒到油淋淋, 係傳統印度餐廳式 Biriyani 應有o既水準, 完全合哂我心水! 一路食一路都好興奮!
Roast Lamb Salad (燒羊肉沙律; HK$52)E記o的沙律一向都大份, 加埋o的鋪係面o既轉轉燒羊肉同醬汁, 足夠兩個人 share. 醬汁唔係一般o既沙律 dressing, 而係用係羊肉 / 雞肉卡巴o既乳酪蒜汁(白色)、薄荷醬(綠色)、同埋中東式辣汁(橙色). 我個人最鍾意白色o既乳酪蒜汁, 因為佢能夠將轉轉燒羊肉o既香味帶出o黎, 係絕佳o既配搭. '三色汁'撈埋o的沙律同燒羊肉, 非常好味! 至於o的轉轉燒羊肉同雞肉(見圖):
一路食, 一路睇住o的疊得又高又厚o既羊肉(右)同雞肉(左)俾個爐圍住慢慢轉, 一層層肉本身o既汁料令o的肉慢慢咁慢慢烤熟, 又香、又軟、又脆, 真係令人感到食欲大增, 好想繼續食! 只可惜食到呢一刻, 我已經冇哂 quota. 埋單乘惠 HK$136 連加一. 總括o黎講, 呢度o係各方面都好過亞士厘道分店: 食得好味, 坐得舒服, 無壓迫感. 我以後一想食中東同印度快餐, 都會o黎番呢度, 不作他想.
臨走時, 見到E記o既招牌同隔離老麥o既招牌交錯, 蔚為奇景, 心想: 「人有人食老麥，我有我嘆kebab。」食老麥o既走寶了. 
Post
