海安咖啡室 (Closed)

海安咖啡室，就算無聽過，經過西港城附近都好難唔會留意到呢間咁有懷舊特色既冰室。想試好耐喇！但佢好早收，難得下午時間經過，緊係幫襯吓啦🤤要飽肚既，見佢既特色有蔥油撈麵，或者一鍋公司公仔麵，有唔同配料，都幾吸引！我就嗌咗瑞士雞翼撈麵，仲配一隻滷蛋，賣相好吸引☺️麵係普通公仔麵，如果用出前一丁會好味好多！蔥油幾香，夠味。雞翼不過不失。朋友嗌咗奶茶紅豆冰，賣相吸引！午飯時間好多上班族嚟幫襯，懷舊伴隨好熱既環境。值得嚟感受吓懷舊氣息，不過就未必會特登翻嚟食～