湘蜀人家

Open Now

Now Closed

今日嚟到北角附近返工，放完工之後特登約咗屋企人一齊食吓中餐，等佢哋享受下啲好嘢食，之前朋友已經同我介紹過呢間餐廳，小小隱蔽，但係好值得大家過嚟。我哋三個坐低之後會先有一碟小食，口感幾豐富，可以開下胃。咁我哋就叫咗總共三樣嘢，包括一點炒鵝腸，一碟麻婆豆腐同一碗飯，仲有呢度好出名嘅酸菜魚。先上麻婆豆腐，識落辣味鹹味好夠，送飯啱晒，裏面嘅豆腐同肉碎嘅比例好啱，啲汁唔會太水，幾正。跟住試吓碟鵝腸，首先好有鑊氣，份量夠，亦都好啱送飯。重點嚟到酸菜魚，首先好大盤，啲魚肉抹到你唔信，個底仲有粉絲同酸菜就咁食都正，酸味同鹹味係平衡到，送飯又係夾嘅。總結嚟講其實幾值得食，店員都幾好服務，環境舒服。