449
17
7
Level4
星期六晚又係我同阿媽撐枱腳嘅日子,佢最近終於Unlock咗壽司🍣,所以可以帶佢去食日本嘢。由於驚打風落雨嘅關係,我同佢去咗近近哋位於牛頭角新開嘅「一本食堂」。我見網上介紹好抵食。我哋喺對面馬路就已經見到大大個招牌,但有一刻懷疑洗咪行樓梯🤔,其實左邊係有電梯的,哈哈。一出𨋢就發現原來餐廳環境超大,而且完全唔係工廈風格。餐廳裝修幾靚,用上唔少櫻花同日本傘作點綴,而且有大大個玻璃窗,感覺開揚😊。另外,餐枱相當闊落,客人坐得舒服。一本食堂係一所日本餐廳🇯🇵,各類型嘅日式料理一應俱全,包括刺身、壽司、卷物、沙律、定食、鍋物、小炒、拉麵烏冬、炸物天婦羅、串燒、冷食、小食以及一品料理。有選擇困難症嘅朋友遇上難題了!同時,店員並向我哋介紹佢哋今日嘅特選海鮮,包括象拔蚌刺身同活鰻串燒。另外,佢哋亦有多款菜式做緊推廣優惠。其實主餐牌同推廣優惠嘅食物通通都好抵食,而份量同味道亦令人滿意👍。我哋每個類別都叫咗啲試吓!雜錦魚生碎手卷($13)同蟹籽手卷($13),我哋一人食一個手卷,咁就確認有飯落肚唔會餓🤣。我認為手卷比壽司抵食,因為價錢大部份都只係爭$2,但手卷大件好多。雜錦魚生碎手卷唔錯喎😋,魚生份量多,而
星期六晚又係我同阿媽撐枱腳嘅日子,佢最近終於Unlock咗壽司🍣,所以可以帶佢去食日本嘢。由於驚打風落雨嘅關係,我同佢去咗近近哋位於牛頭角新開嘅「一本食堂」。我見網上介紹好抵食。
39 views
0 likes
0 comments
我哋喺對面馬路就已經見到大大個招牌,但有一刻懷疑洗咪行樓梯🤔,其實左邊係有電梯的,哈哈。一出𨋢就發現原來餐廳環境超大,而且完全唔係工廈風格。
16 views
1 likes
0 comments
餐廳裝修幾靚,用上唔少櫻花同日本傘作點綴,而且有大大個玻璃窗,感覺開揚😊。另外,餐枱相當闊落,客人坐得舒服。
45 views
1 likes
0 comments
一本食堂係一所日本餐廳🇯🇵,各類型嘅日式料理一應俱全,包括刺身壽司、卷物、沙律、定食、鍋物、小炒、拉麵烏冬、炸物天婦羅、串燒、冷食、小食以及一品料理。有選擇困難症嘅朋友遇上難題了!
32 views
0 likes
0 comments
同時,店員並向我哋介紹佢哋今日嘅特選海鮮,包括象拔蚌刺身同活鰻串燒。另外,佢哋亦有多款菜式做緊推廣優惠。其實主餐牌同推廣優惠嘅食物通通都好抵食,而份量同味道亦令人滿意👍。我哋每個類別都叫咗啲試吓!
雜錦魚生碎手卷
$13
3 views
0 likes
0 comments
雜錦魚生碎手卷($13)同蟹籽手卷($13),我哋一人食一個手卷,咁就確認有飯落肚唔會餓🤣。我認為手卷比壽司抵食,因為價錢大部份都只係爭$2,但手卷大件好多。雜錦魚生碎手卷唔錯喎😋,魚生份量多,而且新鮮,加上不會太碎濕濕。
鵝肝壽司
$30
2 views
1 likes
0 comments
鵝肝壽司($30),依到其中一大特色係相撲壽司🍣,即係飯量比較多,不過實物又無我想像中咁巨無霸哈哈。反而上面件鵝肝就真心大,而且燒得好靚好均勻,味道不算太濃郁,但都有入口即化嘅口感。
日本磯煮鮑魚
$35
3 views
0 likes
0 comments
日本磯煮鮑魚($35/隻),價錢真係好抵食,$35隻邊到搵。鮑魚不會太韌,而且醃味剛好,不會太鹹或太淡,可以一試😜。
雜錦天婦羅
$42
4 views
0 likes
0 comments
雜錦天婦羅(2蝦+2瓜菜+蟹柳)($42),我哋都好鍾意食天婦羅🍤,有得叫雜錦實在太好了,可以樣樣都食啲。我哋無諗過上碟嘅造型會咁精美😍,因為佢炸咗啲天使麵條喺底做裝飾,睇得之餘,又食得,脆脆哋都幾過癮。除咗蝦同蟹柳外,瓜菜即係指南瓜同蕃薯。呢份天婦羅高度推介🤤!
蒲燒鰻魚
$58
5 views
0 likes
0 comments
蒲燒鰻魚(原條)($58),🐟鰻魚不嬲都唔平,六十蚊唔洗有咁大條,算係咁啦。味道都唔錯,無骨,仲有醃漬蘿蔔。
和風炒軟殼蟹
$46
6 views
0 likes
0 comments
和風炒軟殼蟹(1隻)($46),雖然佢名叫和風,但我哋覺得似避風塘口味多啲,因為有好多脆粒。🦀軟殼蟹係加大碼,估唔到一隻份量都有咁多。不過我哋略嫌隻蟹淋身咗啲,可能係炸完再炒嘅關係啦。軟殼蟹天婦羅應該會更出色,有機會試下先!
鹽燒豚肉
$18
4 views
0 likes
0 comments
串燒方面🍢,我哋要咗一串大和牛粒($22)同一串鹽燒豚肉($18)。前者味道麻麻地,反而🐷鹽燒豚肉就幾正喎,燒得唔乾身之餘,仲有啲豬腩肉脂肪嘅香味。
芝士焗半殼蠔
$32
1 views
0 likes
0 comments
芝士焗半殼蠔(2隻)($32),呢個有啲搞笑小插曲,就係店員同我哋講廚房焗燶咗少少隻蠔🤣,要焗過,叫我哋等多陣。我哋幾欣賞店員會主動講,唔洗我哋尷尬追單。上碟嘅🧀芝士焗蠔火候啱啱好,蠔唔會太生,幾鮮味。
3 views
0 likes
0 comments
最後,店員仲請我哋食糖水紅綠豆沙糖水甜甜的,因為帶有一份人情味😚。
11 views
0 likes
0 comments
服務方面,全部店員都好好人,又熟書,服務到位,其中一位藍黑色長頭髮嘅年輕靚女店員(我哋估可能係老闆定經理?)更加係樣樣野親力親為,無得頂💯。佢主動問我哋啱唔啱食,上菜速度點,又介紹佢哋餐廳其實會關注素食者嘅需要,就連麵豉湯都可以安排無肉版本🥦。咁又真係幾好喎,一班人聚會就算有人食齋都有嘢啱食!題外話,餐廳仲有免費口罩送俾有需要嘅客人。
9 views
0 likes
0 comments
總括嚟講,一本食堂係一間回頭度極高嘅餐廳,無論食物味道、價錢、份量、環境、衛生同服務都好高分。呢一次嘅用餐體驗真係好舒服,好開心😌。我定必會再次到訪。
3 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-06-13
Dining Method
Dine In
Spending Per Head
$180 (Dinner)
Recommended Dishes
雜錦魚生碎手卷
$ 13
雜錦天婦羅
$ 42
鹽燒豚肉
$ 18