Video
Read full review
2023-11-02
103 views
今日黎左奧海城附近既泰爸爸同屋企人食生日飯，大概7點幾都有食客食緊，我地坐左戶外位置，由於天氣都幾涼下，坐戶外都幾舒服。(戶外座位)▪︎泰式拼盤▪︎$138泰式拼盤入面有炸蝦餅 、泰式魚餅、春卷同埋雞串。蝦餅同魚餅味道👍，雞串點返佢個沙爹醬都唔錯，炸物黎講唔算漏，唔會油淋淋，2個人仲清曬成碟😂▪︎鹹魚少芥蘭▪︎$78炒菜正常發揮，菜唔會太淋或太硬，比較爽身，係我鍾意食既質感，鹹魚茸同芥蘭真係幾夾味。▪︎鮮蝦炒金邊粉▪︎$88金邊粉入面有鮮蝦，韭菜、芽菜、乾豆腐粒，味道適中無出面咁濃，重口味既朋友可能要落佢配既青檸汁提升下個味，不過我就覺得本身個味唔係太咸都夠味，同比較健康，再黎都會叫返金邊粉。（金邊粉close up）▪︎泰式青咖喱雞▪︎$88一向都好鍾意食青咖哩，呢個青咖哩入面有四季豆、茄子，雞都有唔少，啖啖肉，同埋呢個青咖哩有少少辣，幾惹味，特登嗌埋個薄餅黎點佢個咖喱汁。▪︎泰式薄餅▪︎$38▪︎泰象啤酒▪︎$28 for 1食泰菜要飲下啤酒🤣▪︎藍妹啤酒▪︎$48生啤好好飲，好滑好順口。整體黎講，又係會返轉頭既餐廳，服務良好，叫青咖哩既時候店員有講返係辣既提示一啲可能唔食得辣既人，而且野食味道適中唔會話去
今日黎左奧海城附近既泰爸爸同屋企人食生日飯，大概7點幾都有食客食緊，我地坐左戶外位置，由於天氣都幾涼下，坐戶外都幾舒服。
(戶外座位)
▪︎泰式拼盤▪︎$138
泰式拼盤入面有炸蝦餅 、泰式魚餅、春卷同埋雞串。蝦餅同魚餅味道👍，雞串點返佢個沙爹醬都唔錯，炸物黎講唔算漏，唔會油淋淋，2個人仲清曬成碟😂
▪︎鹹魚少芥蘭▪︎$78
炒菜正常發揮，菜唔會太淋或太硬，比較爽身，係我鍾意食既質感，鹹魚茸同芥蘭真係幾夾味。
▪︎鮮蝦炒金邊粉▪︎$88
金邊粉入面有鮮蝦，韭菜、芽菜、乾豆腐粒，味道適中無出面咁濃，重口味既朋友可能要落佢配既青檸汁提升下個味，不過我就覺得本身個味唔係太咸都夠味，同比較健康，再黎都會叫返金邊粉。
（金邊粉close up）
▪︎泰式青咖喱雞▪︎$88
一向都好鍾意食青咖哩，呢個青咖哩入面有四季豆、茄子，雞都有唔少，啖啖肉，同埋呢個青咖哩有少少辣，幾惹味，特登嗌埋個薄餅黎點佢個咖喱汁。
▪︎泰式薄餅▪︎$38
▪︎泰象啤酒▪︎$28 for 1
食泰菜要飲下啤酒🤣
▪︎藍妹啤酒▪︎$48
生啤好好飲，好滑好順口。
整體黎講，又係會返轉頭既餐廳，服務良好，叫青咖哩既時候店員有講返係辣既提示一啲可能唔食得辣既人，而且野食味道適中唔會話去到勁濃味食完會口渴(試過其他店真係太重口味)，臨走埋單仲叫多份椰汁西米糕返屋企食。
p.s.話說食食下見到隔離枱有個男食客自己嚟食，佢叫咗碗冬陰功湯嘅粉，食完啲麵仲飲曬成碗湯，令到我都好想食，下次再嚟嘅時候真係要試下！
Post
