酥妃皇后 (侯王道)

Open Now

Now Closed

下午茶同男朋友落九龍城食串燒，食到飽飽之際先見到呢間餅撻店😍唔知係咪太耐冇落九龍城，幾時開咗呢間酥妃皇后都唔知，我哋喺櫥窗望咗好耐😂個肚已經飽但望到啲甜品又覺得好吸引，掙扎完一輪都係走咗入去🙈🙈🙈由於睇落每款都好吸引！我地明明好飽但係唔知點解都會叫咗三個撻嚟試😂雖然鋪頭細細，但都有張吧枱可以提供堂食，仲有自助清水。👉🏻原味蛋撻蛋撻皮酥脆，入口鬆化好香牛油味，蛋漿滑溜，而且好厚身！👉🏻紅莓椰蓉酥撻賣相好靚，莓紅中間一片小金箔😍紅莓醬酸酸地，椰蓉幼細，甜度適中，味道清新。👉🏻蘋果金寶撻清甜，蘋果果蓉好鮮味，口感香脆。