Boholic

Open Now

Now Closed

今日黎開長沙灣呢頭 好想覆桌返之前食過嘅呢間波希米亞風Cafe😍🔸芝士焗澳洲薯皮($88)有三舊大薯皮 而入邊係有少量薯蓉同埋芝士 焗得非常香同埋外層好脆，面頭撒上煙肉碎粒非常夾。附上淡乳酪醬汁點 埋落薯皮度真係好清新 係一個唔會太 Heavy 嘅汁😇😇🔸美式 BBQ醬烤焗西班牙豬肋骨配洋蔥圈（$198）係令我念念不忘嘅醬燒豬肋骨🤓🤓豬肋骨嘅肉烤得非常軟嫩 而且肉同骨好容易就分得開 成排豬肋骨有成四條骨咁多！！面頭嘅BBQ醬真係好惹味口味重少少嘅朋友可以點埋附上嘅香料辣汁另外配菜有炸洋蔥圈，同埋兩嚿巨型肉桂燒菠蘿 菠蘿肉仲要係超級超級甜🤩🔸開心果奶蓋疏乎厘班戟($138)班戟皮薄軟，內裡嘅疏乎厘滑順、充滿空氣感，奶香四溢。奶蓋上面嘅開心果碎加添咗香脆感，甜中帶一絲鹹味，味道平衡得好好。甜品一嚟嘅時候仲以為個奶蓋會好漏🫣 但係食落個奶蓋其實唔係好thick 所以食落都好清新，仲有淡淡開心果香味同開心果碎🔸靜岡焙茶鮮奶 （$50）作為焙茶控呢個焙茶latte絕對要encore🥳 香濃嘅焙茶同鮮奶完美融合 同上次比絕對冇失色🤤🔸Strawberry avocado smoothie（$58)