金田家 (Closed)

已經好耐冇食過拉麵同金田家。既然行開荃灣就黎食下，一如以往，冇失望。今次揀左海老燒鹽麴拉麵嘅海老三盛，包括一碗海老燒鹽麴拉麵、和風海老沙律、唐揚河川海老飯。另外叫左碗豚骨mix拉麵，築前煮，追加糖心蛋、替玉、紫菜、腩肉叉燒。飲品有可爾必思同士多啤梨乳酸梳打。和風海老沙律有好多蝦，好鮮甜！而且唔會好濟，好好食呀！份量雖然唔係好多，但有飯同拉麵，其實會好飽。唐揚河川海老飯嘅蝦非常好食，炸得好香脆，有少少鹹，但仲係接受到嘅範圍。如果有沙律醬更正！！築前煮有肉、蓮藕、甘荀、牛蒡同蒟蒻，仲有魚湯做湯㡳，好香，好入味！蓮藕同甘荀都好稔！海老燒鹽麴拉麵嘅蝦好大隻燒得好香，腩肉索左溫底好稔好滑！麵底係我中意嘅硬度，加左糖心蛋，中間甜甜地，有流心感覺🤤豚骨mix拉麵同海老燒鹽麴拉麵嘅腩肉一樣嘅，但湯底就唔同了！呢個嘅䐁骨味更濃郁！呢個麵底揀左軟啲，一樣fulfill到我地要求🤤士多啤梨乳酸梳打嘅酸甜程度剛剛好，更有士多啤梨入面嘅粒粒！可以加重口感！飲完好fresh嘅感覺！可爾必思係日本好岀名，酸酸甜甜好開胃，仲好似廣告咁講，有初戀感覺😜糖心蛋故而甜甜地同流心感。替玉、腩肉叉燒都係非常多，腩肉叉燒都係好稔