Video
Read full review
2018-02-27
2814 views
呢間西餐廳坐落於靜靜嘅呢條街中，其實左右都仲有其他類型嘅食店，相比起區內其他地點嘅食店，呢條街就顯得比較"旺中帶靜"鍾意食嘢嘅人只要有好味食物就邊度都會去食，仲會回頭tim........................晚餐無需煩惱，點了名為"Our Set Dinner"，由頭盤，餐湯，主菜及飲品一應俱全：頭盤係沙律類，只需另加$58可升級至:香煎法國鵝肝配焦糖酒醋藍莓 - 香煎法國鵝肝配底下有片香脆多士，鵝肝都有相當厚度，配上焦糖酒醋藍莓，可中和鵝肝的油膩感。另外仲有淋左香醋汁嘅沙律菜作配搭，健康清新。大蝦占米多 - 大半隻手掌咁大嘅蝦開邊，將蝦肉切成件狀再加入蝦膏，洋蔥及菇菌炒香，再放返入蝦殼內，進食時相當方便! 蝦肉固然爽口彈牙，蝦嘅味道出晒黎呀。唔要是日餐湯，另加$38又可升級至 :黑松露菌忌廉湯 - 湯嘅中間加有香濃的黑松露醬，未飲已聞到好香湯質稠杰， 每啖都有野菌嘅口感，松露配野菌係夾嘅，味道岩岩好。配上香脆多士食，滋味呀。另一款為蟹肉南瓜忌廉湯 - 湯質亦係稠杰，入口飲到南瓜嘅天然甜味，配合忌廉增加香滑口感，而湯內亦有絲絲蟹肉，口感豐富。主菜出場啦，首先為呢客黑松露麵
鍾意食嘢嘅人只要有好味食物就邊度都會去食，仲會回頭tim........................
晚餐無需煩惱，點了名為"Our Set Dinner"，由頭盤，餐湯，主菜及飲品一應俱全：
頭盤係沙律類，只需另加$58可升級至:
香煎法國鵝肝配焦糖酒醋藍莓 - 香煎法國鵝肝配底下有片香脆多士，鵝肝都有相當厚度，配上焦糖酒醋藍莓，可中和鵝肝的油膩感。另外仲有淋左香醋汁嘅沙律菜作配搭，健康清新。
香煎法國鵝肝配焦糖酒醋藍莓
26 views
0 likes
0 comments
大蝦占米多 - 大半隻手掌咁大嘅蝦開邊，將蝦肉切成件狀再加入蝦膏，洋蔥及菇菌炒香，再放返入蝦殼內，進食時相當方便! 蝦肉固然爽口彈牙，蝦嘅味道出晒黎呀。
大蝦占米多
27 views
0 likes
0 comments
唔要是日餐湯，另加$38又可升級至 :
黑松露菌忌廉湯 - 湯嘅中間加有香濃的黑松露醬，未飲已聞到好香
黑松露菌忌廉湯
21 views
0 likes
0 comments
湯質稠杰， 每啖都有野菌嘅口感，松露配野菌係夾嘅，味道岩岩好。配上香脆多士食，滋味呀。
另一款為蟹肉南瓜忌廉湯 - 湯質亦係稠杰，入口飲到南瓜嘅天然甜味，配合忌廉增加香滑口感，而湯內亦有絲絲蟹肉，口感豐富。
蟹肉南瓜忌廉湯
20 views
0 likes
0 comments
主菜出場啦，首先為呢客黑松露麵包蟹意大利飯($238)，賣相吸睛，用上麵包蟹盛載住香噴噴意大利飯，伴以一小碗黑松露醬
黑松露麵包蟹意大利飯
22 views
0 likes
0 comments
香滑醬汁將每粒意大利飯都包住，再配以蟹肉，洋蔥及菇菌等材料煮成，就咁食都好好味，想再將味道提升?! 可以加埋黑松露撈飯進食，畫面實在好豪華...........哈哈.....。
第二客主菜都出場啦，德國式燒咸豬手($238)，份量相當豐富，配以大量薯條及適量沙律菜
德國式燒咸豬手
19 views
0 likes
0 comments
已經預先切好嘅燒咸豬手，唔駛自己起肉食時相當方便，外皮烤焗至脆身，連埋住充滿膠質嘅部份，雙重口感; 而內裡肉質都幾嫩滑，味道唔會話過咸，整體味道係唔錯嘅。
套餐係包飲品，相當欣賞呢杯Cappuccino， 低調地有一個拉花，綿滑奶泡配上香滑咖啡，熱度非常夠，水準絶對好過坊間連所咖啡店!
21 views
0 likes
0 comments
黎過幾次開餐， 食物水準仍然維持高質，唔會令人失望! 下次係呢區想食西餐，又一入圍之選!
Post
