海記合桃坊甜品 (Closed)

不嬲係芋圓嘅fans，馮係煙煙unun嘅嘢我就最鍾意😍香港有得食芋圓嘅甜品鋪唔多，既然經過有芋圓嘅海記又點可以錯過同友人分別叫左合桃糊豆花加芋圓同芋圓喳咋合桃糊豆花只係$20,加$10有超大份芋圓。真係食得岀有芋頭味的，又有嚼勁。結果雖然好食但咁大碗真係食唔哂🤣然後係芋圓渣咋入面仲有啲西米露。而啲豆都煲得好淋，芋圓分量一樣咁多，仲有熱有凍，怕凍嘅朋友可以食一碗即刻暖笠笠。雖然芋圓來講都係鍾意食大陸嘅仙芋鮮同埋以前係香港都有個分店嘅木子甜品，不過海記嘅芋圓算係咁可以頂下口癮。芋圓粉絲可以一試，海記已經算係幾好幾抵食