Video
Read full review
2006-02-04
9 views
20060128 20:00年廿八已經返左屋企食團年飯,今日年廿九同老婆兩口子四圍出街買年貨行花市,之前梗係醫肚先啦~呢排食左好多中菜,之後幾日又要不停咁食,今晚一於去食西餐,仲有個好處就係唔駛排隊.最後揀左位於尖沙咀諾士佛臺o既Island Seafood Restaurant.果然如我所料,今晚呢一帶非常寧靜,間間食肆都唔駛排隊.兩個人每人叫一個set,我要左蒜蓉大蝦($270),老婆就要燒龍蝦($290).頭盤係三隻生蠔或翡翠螺,今晚o既翡翠螺比蠔出色,蠔味道比較淡,螺肉就好爽脆.主菜方面,不愧為以海鮮主打的餐廳,兩份都非常好味.大蝦非常新鮮,蝦頭甘香,調味的蒜蓉亦不會搶去主角的鮮味.龍蝦肉嫩,比起焗的烹調方法更能保存肉汁,亦係非常的鮮味.侍應服務有禮,介紹各種食物時亦不遺餘力.晚餐包甜品及餐飲,埋單六百幾,物有所值.
年廿八已經返左屋企食團年飯,今日年廿九同老婆兩口子四圍出街買年貨行花市,之前梗係醫肚先啦~
呢排食左好多中菜,之後幾日又要不停咁食,今晚一於去食西餐,仲有個好處就係唔駛排隊.最後揀左位於尖沙咀諾士佛臺o既Island Seafood Restaurant.
果然如我所料,今晚呢一帶非常寧靜,間間食肆都唔駛排隊.兩個人每人叫一個set,我要左蒜蓉大蝦($270),老婆就要燒龍蝦($290).頭盤係三隻生蠔或翡翠螺,今晚o既翡翠螺比蠔出色,蠔味道比較淡,螺肉就好爽脆.
主菜方面,不愧為以海鮮主打的餐廳,兩份都非常好味.大蝦非常新鮮,蝦頭甘香,調味的蒜蓉亦不會搶去主角的鮮味.龍蝦肉嫩,比起焗的烹調方法更能保存肉汁,亦係非常的鮮味.
侍應服務有禮,介紹各種食物時亦不遺餘力.
晚餐包甜品及餐飲,埋單六百幾,物有所值.
Post