喜來稀肉 (金巴利道)

Open Now

Now Closed

久違地來一次韓式燒肉，同朋友把杯暢談，一邊烤肉一邊吃泡菜，發現地方好闊落，枱同枱間寛闊，抽風好好，唔會一頭油煙。韓式配菜採用自取模式，泡菜，醃蘿蔔，沙律菜，包菜，醬汁等都係自助嘅，唔使假手於人，源源不絕，想要即有。爐邊蛋分芝士蛋同泡菜蛋2邊口味。招牌喜來稀肉係選用牛板腱位置，加上甜醬油醃製，再卷成花，上枱特別搶眼，肉質鬆軟，牛味出，帶醬油香甜，配上泡菜包菜特別滋味。韓式豬皮係我去喜來稀肉必點菜式，醃製過嘅豬皮，烤到香香脆脆，口感Q彈，帶醬油香甜，點上黃豆粉更添香氣。韓燒怎麼能缺五花腩！慢烤烤出油脂，變成金黃色香脆烤豬腩片，配上一點粗鹽麻油，真係回味無窮呀！食完熱辣辣烤肉必須來一碗爽彈嘅水冷麵，麵質爽滑彈牙，清爽湯底配上雞蛋同青瓜，所有熱氣即時降溫，連湯都飲埋無得剩。由初開幕大排長龍開始，咁多年食過咁多次仍然保持到水準，難得難得。