Video
Read full review
2020-08-08
298 views
開心兩口子邊爐時光，山長水遠長途拔涉帶女神來到幫襯。各職員服務非常殷勤主動，介紹海鮮及食材，招乎尚算周到。環境堅寛敞空氣流通，諗起旺中一帶火鍋店迫迫夾夾，肥一點或大份一點行都行唔到。辣友難求，爆菊之約！餐牌寫住糖心芝士魚蛋，溏心？最憎網上訂位都已經電郵確認訊息確認，仲要電話確認？太煩喇嘛！不回覆不接電話就取消訂位？惡到不得了！我無所謂亦無緊要，最多立即去幫襯其他火鍋店。發現對正廁所卡位 1 號檯真係好難賣出去，眼見三檯客都強烈反感要求掉位，最後終於有幾個師奶無留意到係廁所門口坐低開餐，非常幸運呢。鮮榨西瓜汁，有果肉無添加真鮮榨，夠晒大陸風格室溫架喎。冰凍一點更好飲更透心涼，可以更解辣解暑解口渴。藍妹生啤，無選擇只好照飲啦！我要日本啤架。麻辣紅油無骨鳳凰竹絲雞腳，首次遇上烏雞腳，麻辣汁涼拌香辣兼備，爽脆但沒有白雞腳的肥美感覺。酥炸雞皮，初嚐中式炸雞皮，日式串燒就食得多。鋪滿厚厚孜然粉，咬落鬆化雞油微滲，孜然味強烈最突出，重口味的小食。試試浸辣湯，變得好難食喎。涼拌魚皮，我較喜歡一片片多過一絲絲，味道百份百係泡椒味，酸酸辣辣兼爽脆，大家異口同聲話有趣。現炸酥肉，新鮮出爐，香噴噴有鑊氣，酥香
最憎網上訂位都已經電郵確認訊息確認，仲要電話確認？太煩喇嘛！不回覆不接電話就取消訂位？惡到不得了！我無所謂亦無緊要，最多立即去幫襯其他火鍋店。發現對正廁所卡位 1 號檯真係好難賣出去，眼見三檯客都強烈反感要求掉位，最後終於有幾個師奶無留意到係廁所門口坐低開餐，非常幸運呢。
鮮榨西瓜汁，有果肉無添加真鮮榨，夠晒大陸風格室溫架喎。冰凍一點更好飲更透心涼，可以更解辣解暑解口渴。藍妹生啤，無選擇只好照飲啦！我要日本啤架。
麻辣紅油無骨鳳凰竹絲雞腳，首次遇上烏雞腳，麻辣汁涼拌香辣兼備，爽脆但沒有白雞腳的肥美感覺。酥炸雞皮，初嚐中式炸雞皮，日式串燒就食得多。鋪滿厚厚孜然粉，咬落鬆化雞油微滲，孜然味強烈最突出，重口味的小食。試試浸辣湯，變得好難食喎。
涼拌魚皮，我較喜歡一片片多過一絲絲，味道百份百係泡椒味，酸酸辣辣兼爽脆，大家異口同聲話有趣。現炸酥肉，新鮮出爐，香噴噴有鑊氣，酥香無比！鬆軟啖啖肉諗起咕嚕肉，突然想要茄汁呢！醃味清新搭著淡淡不覺的孜然味，滿分滿足無得彈。
三刀刺身，原來三刀可以刺身，從來未聽過，真係弧陋寡聞﹗海魚味道非常鮮甜，白肉難得的味道，嚥韌結實有嚼勁。魚腩位烚熟品嚐，彈滑有著濃郁魚甜味，全身都係寶。雷式混醬，蔥花、蒜酥、生蒜、指天椒、豉油，萬能醬油配海鮮肉類蔬菜同樣提鮮提味。
香港風味無渣紅油麻辣湯小辣，平凡悶悶的，跟成都風味差不多，只係辣度稍低。胡椒豬桶骨湯，胡椒豬桶骨湯由頭到尾淡茂茂水汪汪，有清淡萵筍條蘿蔔片芹菜作底。四大舊桶骨，最愛咬骨邊肉，還有少許豬甜味，最緊要豬骨髓，油脂甘香油潤無比。
成都原味無渣紅油麻辣湯中辣拼純天然椰子湯鴛鴦鍋，椰子雞湯無雞既？睇漏眼，原來只係椰子湯，無雞架喎，要另外落單怪怪的。初時都係清清淡淡，經過幾輪肉類海鮮浸浴後，味道豐富濃郁甜美複習，飲多兩啖暖暖胃。紅油成都原味中辣，紅油？不是香港慣常稱呼的重慶麻辣湯，沒什麼別出心載的材料，食落只得單調的辣，香料欠奉。中辣早餐真係有點重口味，食完都有輕微副作用。
日本 A4 和牛牛頸脊，首次遇到的切法，薄薄機切大大塊，不過灼熟變軟縮晒水，脂肪程斜紋分佈，質地綿綿，牛味清甜帶乳香。日本 A4 和牛牛肩胛，油脂甜味比牛頸脊勁濃勁醇，肉質較彈較有嚼勁，牛味亦較濃郁。
珊瑚蚌，異常的高品質，根本就是頂級的珊瑚蚌！完整大大塊，厚肉而色澤鮮明亮麗，爽爽脆脆索湯帶鮮味。桂花蚌，優質級數，飽滿爽脆，每啖都爆出甜甜肉汁芬芳無比，無可挑剔！
皇帝蟹柳，烚到透徹後硬係有點似國產不像是日產，咬落空盪盪的感覺，外層與白肉分離像殼一樣，味道就沒什麼特別。菊花鴨珍，不能烚得太耐，變硬會趙得好辛苦。鴨味甜甜，爽脆的質地。
魚膘，應該鰾從魚部對嗎？半脆半爽半膠半黏的骨膠原，食完靚晒！喜歡的就好鮮甜，不喜歡的就好腥。滑溜溜鴨血，餐牌建議烚 1 分鐘便可，這個絕對唔足以令她們軟滑爆汁，必須耐心等後 10 分鐘讓她們變得彈彈滑嘟嘟，入味爆汁爆水才鮮甜無比！牛胸爽，竟然灼 10 秒都太耐變硬，大滾 5 秒剛剛好，微爽滑滑，牛油味突出。
萵筍條，略煮爽爽似筍，耐煮腍腍似瓜，兩種質地同樣甜美。蛋餃，原來係蛋皮捲著馬蒂肉鬆，肉鬆甜甜有者爽爽馬蒂粒，平平凡凡一試無妨。牛面珠墩，師傅從廚房走出來親自送到，重重的北方國語介紹食材。何解牛會羶得那麼利害，那裡是她的產地？鬆散的質地不喜歡。舌尖上的牛舌，超薄切半透明，輕輕涮涮就可以享用，羶到我以為係羊肉，免強頂得住。
新鮮串串蝦，即叫即撈即串，隻隻生猛腳踢踢。游水海鮮那有得挑剔，看準時機半分鐘鮮蝦變得翠紅，立即起動！蝦肉爽嫩鮮甜，蝦汁噴射，蝦膏甘香醇美無敵。雞子，雪藏火雞子鮮甜欠奉帶微腥，讓她們吸盡麻辣濃湯，入口皮脆肉嫩較為好味。其實浪費那麼多沙律菜伴碟或墊底，跟生食物放在一起不能直接入口，要掉落滾湯烚乾淨才可食用。我真心寧願用生菜、菜芯、皇帝菜等等伴碟更好，起碼可以食得更開心。
極品鵝腸，滾湯拖一拖，見縮即起，朋友覺得韌，我形容為爽脆，只是鵝甜味不足。普通牌爆菊花鮮蝦滑，滿佈辣椒粉非常熟悉的味道，陰沉辣味只屬中辣不到大辣程度，結實似肉丸多於似彈牙蝦丸，整體中規中矩。
功夫萵筍片，片得薄薄砌得靚靚，仍然濕潤翠綠立立令，明顯即叫即做精雕細琢，賣相滿分，不過口感不及切厚片切長方般爽甜豐滿多汁。台灣水蓮菜，見到幼身深綠色已心知不妙。幼條深綠色沒半點菜甜味，乾乾腍腍不爽，咬一啖放棄，懷念當年養心殿粗身翠綠爽甜。
瘋狂辣牛肉，𢲡到勁腍啤啤的牛肉，外層黐滿辣椒粉，深層的辣味，食落不太辣。豬腦花，當年係重慶二姐一試著迷！嫩嫩濕潤比豆腐更吸引，乳香甜甜搭麻辣湯好味道！
西班牙黑毛豬腩肉，豬肉甜味出眾，每啖彈彈滴汁。極品 prime 手切肥牛，估唔到烚到全熟都依然軟滑，陣陣溫和牛甜味。老碼頭筷子牛肉，長長一條條真係筷子般長，不知道係那個部位。彈牙嫩滑，醃得入味，孜然香少少芝麻少少辣椒，食得過癮。
功夫千層肚，幼絲彈彈微爽，一堆堆掃入口，像極麵條。手工西洋菜餃，霸道的西洋菜味道非凡，菜汁四溢爽甜。手打芝士墨魚丸，白雪雪亮晶晶，極結實的墨魚膠包著一丁點芝士。雞郡肝，不是雞膶嗎？上網查一查原來只係雞腎，無雞膶非常失望。幸好雞臀爽脆，雞甜味濃厚。鴨腸，跟極品鵝腸擺盤及演繹一模一樣，鵝鴨難分，感覺較細條較幼，立即灼灼品嚐。爽甜多汁，比鵝腸更鮮更嫩更彈。
解辣玫瑰冰粉，灑上提子乾西瓜粒，似啫喱多過似涼粉或大菜糕，不過大陸所講既涼粉跟香港所講黑色涼粉不同。清淡甜味，西瓜粒清爽，涼浸浸入口真的不錯。
麻辣紅油無骨鳳凰竹絲雞腳
8 views
0 likes
0 comments
酥炸雞皮
21 views
0 likes
0 comments
涼拌魚皮
9 views
0 likes
0 comments
現炸酥肉
10 views
0 likes
0 comments
三刀刺身
12 views
0 likes
0 comments
成都原味無渣紅油麻辣湯中辣拼純天然椰子湯鴛鴦鍋
15 views
0 likes
0 comments
日本 A4 和牛牛頸脊
8 views
0 likes
0 comments
日本 A4 和牛牛肩胛
10 views
0 likes
0 comments
牛面珠墩
9 views
0 likes
0 comments
極品 prime 手切肥牛
19 views
0 likes
0 comments
舌尖上的牛舌
12 views
0 likes
0 comments
老碼頭筷子牛肉
14 views
0 likes
0 comments
西班牙黑毛豬腩肉
10 views
0 likes
0 comments
珊瑚蚌
24 views
0 likes
0 comments
桂花蚌
18 views
0 likes
0 comments
新鮮串串蝦
9 views
0 likes
0 comments
新鮮串串蝦
25 views
0 likes
0 comments
雞子
32 views
0 likes
0 comments
雞郡肝
25 views
0 likes
0 comments
極品鵝腸
43 views
0 likes
0 comments
鴨腸
20 views
0 likes
0 comments
豬腦花
7 views
1 likes
0 comments
滑溜溜鴨血
29 views
0 likes
0 comments
功夫千層肚
25 views
0 likes
0 comments
手工西洋菜餃
14 views
0 likes
0 comments
手打芝士墨魚丸
11 views
0 likes
0 comments
功夫萵筍片
7 views
0 likes
0 comments
台灣水蓮菜
8 views
0 likes
0 comments
台灣水蓮菜
14 views
0 likes
0 comments
解辣玫瑰冰粉
9 views
0 likes
0 comments
Post
