星巴克咖啡

Open Now

Now Closed

上個週末大圍圍方商場開幕，報導話商場人山人海，所以決定於星期一前往探究。星期一下午去到大圍火車站，大家要排隊搭電梯往商場，實在非常誇張。但圍方商場不但屬於火車站上蓋，仲連接至少三至四個屋苑，成為居民點對點的交通連接地。雖然商場人多擠逼，但附近居民有個地方落腳，落雨都有個地方避雨，可算是一件好事。以食物及購物質素來說，食肆普遍屬中價，有連鎖店如Starbucks，亦有星級海南雞飯Chatterbox Cafe，咖啡都有幾間可以選擇，著實相當不錯。由於商場太多人，實在冇心機再逗留，所以決定去Starbucks歇歇，擺低幾個錢當作恭賀商場開張。入到去，適逢做緊BLACKPINK  X Starbucks，精品未有得賣，但會員可以率先order 特飲，所以即刻申請。BLACKPINK草莓朱古力忌廉星冰樂，會員申請仲可以免費加大Tall Size $48即使有草莓同朱古力，味道亦不膩，飲到大半杯。飲品上面嘅忌廉係草莓味，非常特別，簡直係成杯特飲嘅亮點。因為店舖新開張，所以檯凳好新淨，疑似真皮椅子坐得非常舒服，係一間高級嘅Starbucks。下次有緣再試商場其他食肆。