Romanne Leisure Food Concept (砵蘭街) (Closed)

今日同朋友去完朗豪坊，吾知食咩好，search openrice見到呢間餐廳甘多好評一於黎試下。一入到去見到係園林風，都可以打下卡。我地叫左2 個 set lunch， 我揀左黑松露珍珠帶子野菌意大利面，朋友叫左寶雲酥白鱈魚柳菠菜忌廉汁烤椰菜花飯。set lunch 跟一個沙律或甘筍湯同一杯野飲。我揀左甘筍湯，甜甜地幾好飲。朋友個沙律都新鮮，分量算多。黑松露珍珠帶子野菌意大利面個汁幾濃郁，黑松露香同埋有芝士味。意粉就用左spaghetti，煮的吾算lum，口感吾錯。寶雲酥白鱈魚柳菠菜忌廉汁烤椰菜花飯 係我第一次食椰菜花飯，又幾得意，因爲本身我都唔好飯，所以椰菜花飯都岩食，又健康d個白鱈魚柳面頭烤得好脆 好香口， 而魚柳都幾滑，整體感覺都幾好。