McSorley's Brewhouse & Grill (Closed)

辛苦工作完一天，收工要約下姐妹飯聚吐苦水，是夜相約在大家的中間點圓方mcSorley's brewhouse and grill，亦方便大家行完名店立即搵飯食。餐廳位於平台的civic square，平時唔多係度逛的可能都要花小小時間先搵到。餐廳內外昏暗有格調，下層主力酒吧，上一層則是晚飯地方，這裏非常適合放工過來happy hour和情侶約會。餐廳雖在高級商場地段，可是價格並不驚為天人，屬合理價錢。是夜星期四仲有主菜買一送一，$300至$400已有2份扒類海鮮等主菜，可謂抵到爛！12安士美國肉眼，7成熟，肉質牛味都不俗，燒出網紋賣相很好，再加左黑松露牛油，更提升香味！粗薯厚身飽滿份量不少！另一主菜太平洋虎蝦，大大隻，用了蒜蓉牛油汁黎烤蝦肉十分好，非常香！朋友愛吃魚，亦大讚這個香草三文魚，調味好肉質又嫩。芝士控必點side dish，芝士通心粉！滿滿芝士好治愈!甜品點了招牌朱古力蛋糕，其實係心太軟，可是未上枱時，雲尼拿雪糕都直接放在熱辣辣的蛋糕上面，雪糕極速溶化。到入口時，2者溫差大減，稍為影響口感，略為可惜，建議分開放置更佳。