Video
Read full review
2021-02-22
7113 views
星期日同朋友去圓方McSorley’s Brewhouse & Grill食飯，餐廳主打愛爾蘭菜，平時下層係酒吧，上層係餐廳。當日我哋中午食飯，比較少人，所以被安排坐樓下。下層環境好chill，有電視播放體育節目，同朋友食飯又多個話題啦。🌟招牌海鮮扁意粉海鮮有青口、大蝦、龍蝦粒。青口麻麻地，但大蝦鮮甜重蝦味，龍蝦肉嫩滑爽彈。意粉柔韌有彈性，配埋忌廉紅椒醬，creamy又惹味。食厭茄汁白汁，紅椒醬好有新鮮感。🌟招牌香濃朱古力蛋糕朱古力愛好者一定要試呢個甜品！🍫🥳 心太軟焗得外脆內軟，配埋雲呢拿雪糕中和甜味，一冷一熱，非常正嘅配搭！切落去朱古力漿好似熔岩咁流出嚟，稀杰啱啱好。蛋糕鬆軟，朱古力味突出。👍🏻再睇埋朋友叫嘅嘢，portion好大，食物質素好，有機會一定再試。😋
招牌海鮮扁意粉
168 views
0 likes
0 comments
海鮮有青口、大蝦、龍蝦粒。青口麻麻地，但大蝦鮮甜重蝦味，龍蝦肉嫩滑爽彈。意粉柔韌有彈性，配埋忌廉紅椒醬，creamy又惹味。食厭茄汁白汁，紅椒醬好有新鮮感。
招牌香濃朱古力蛋糕
89 views
2 likes
0 comments
朱古力愛好者一定要試呢個甜品！🍫🥳 心太軟焗得外脆內軟，配埋雲呢拿雪糕中和甜味，一冷一熱，非常正嘅配搭！切落去朱古力漿好似熔岩咁流出嚟，稀杰啱啱好。蛋糕鬆軟，朱古力味突出。👍🏻
再睇埋朋友叫嘅嘢，portion好大，食物質素好，有機會一定再試。😋
48 views
0 likes
0 comments
Post
