Video
Read full review
2022-12-20
744 views
聼朋友話圓方睇戲幾舒服，上個週末我就同朋友過去。睇完戲之後諗住一齊食晚餐，咁啱見到戲院入面有間餐廳，主打健康輕食，一於試下先。餐廳入面有自助吧，客人可以自行領取餐具、紙巾及水杯，幾方便。<海鮮三重奏> $158呢個bowl以海鮮為主，有蝦仁、魷魚、魚柳、車厘茄、椰菜花個西蘭花，顏色繽紛，營養均衡，而且可以揀紅米、糙米或者沙律底，自由度甚高。調味清爽，食到食材本身嘅味道，健康又好味。晚餐時段可加$30蚊升級套餐，會附有果茶同埋餐湯，是日喺冰糖雪梨果茶同茄子湯。<英式全日早餐> $158全日早餐只在星期六日及假期提供，有黑松露炒滑蛋、牛角包、薯餅、炒蘑菇等配料，配料豐富。當中黑松露炒滑蛋上枱時仍有流心效果，入口能食到濃郁嘅黑松露味道；牛角包香脆鬆化，帶有淡淡嘅牛油香味。<洋蔥圈> $48洋蔥圈外脆內軟，香口小食。<德國腸> $33相比全日早餐入面嘅香腸，德國腸口感紮實，食落煙燻味更為突出。餐廳本身免收加一，性價比幾高。最特別嘅係見到餐廳標示食物可以帶入戲院，可以一邊食意粉/飯一邊睇戲，都喺第一次聽到。最近餐廳做緊Christm
<海鮮三重奏> $158呢個bowl以海鮮為主，有蝦仁、魷魚、魚柳、車厘茄、椰菜花個西蘭花，顏色繽紛，營養均衡，而且可以揀紅米、糙米或者沙律底，自由度甚高。調味清爽，食到食材本身嘅味道，健康又好味。晚餐時段可加$30蚊升級套餐，會附有果茶同埋餐湯，是日喺冰糖雪梨果茶同茄子湯。
<英式全日早餐> $158全日早餐只在星期六日及假期提供，有黑松露炒滑蛋、牛角包、薯餅、炒蘑菇等配料，配料豐富。當中黑松露炒滑蛋上枱時仍有流心效果，入口能食到濃郁嘅黑松露味道；牛角包香脆鬆化，帶有淡淡嘅牛油香味。
<洋蔥圈> $48洋蔥圈外脆內軟，香口小食。
<德國腸> $33相比全日早餐入面嘅香腸，德國腸口感紮實，食落煙燻味更為突出。
餐廳本身免收加一，性價比幾高。最特別嘅係見到餐廳標示食物可以帶入戲院，可以一邊食意粉/飯一邊睇戲，都喺第一次聽到。最近餐廳做緊Christmas menu，提供唔少特色菜式，如果聖誕節有經過圓方睇戲可以試下。
Post
