大姆指餐廳 (Closed)

行過見到招牌咖哩，見格局不錯，圖片又幾唔錯，就入去食，坐低卡位，張梳化皮爛到呸起晒，算，叫野食，見個menu啲圖真係樣樣都想食，最後還是叫個咖哩牛腩飯，所有凍飲要加7，熱飲加5，都好貴下！等5-8分鐘，侍應將碟野比錯隔離枱，對方話唔係佢叫，侍應就即刻拎過我枱。。味道一般，如果叫得做招牌菜色但咁既質素，其他非招牌菜都唔需要試。牛腩唔腍有根，個白飯有點干，食到尾仲硬身左。(我用左10分中時間食) 一路食一路有隻野喺度飛飛下職員高談闊論，見食客舉幾次手示意都無人見到。比錢時2個職員把口無停過，收幾錢找幾錢都無講，感覺好唔尊重客人，連快餐店服務都比佢好。