真心泰國菜館 (Closed)

今次既用餐體驗令我既心情好似過山車咁大上大落，講下我既心路歷程先。 入到鋪頭，見到staff 係泰國人，佈置又咁傳統，仲掛晒泰皇既相同佛像，心諗，似係泰國人開，應該穩陣既~不過menu好似伏伏地(可惜無影相)，有晒中英文，感覺，而且仲幾港式，例如炒公仔麵(btw openrcie 幾多人推介)。我一心想食炒金邊粉，點知成個menu咁多頁都無!!!我已經有少少唔開心，最後叫左個喇沙雞絲米粉。圖2係佢地ig 既參考圖，同menu 一樣架~點知...成品竟然係圖3 我已經想反台走人，但我果陣又餓又累，都費事diu。惟有暱埋眼食左佢啦。其實味道係唔差既，椰奶味仲要幾濃，湯底仲有好多花生粒。但個反差太衝擊視覺啦>< 我食野甚少追求打卡，但...今次真係影響食慾lor,成pat 屎另外叫左個冬蔭公湯河，D色水就正常多了。有2隻大蝦，蝦肉唔"梅"，可惜椰汁味勁過酸辣味。外加牛丸同墨丸各3️⃣粒，估唔到係湯上😅清淡到真係無味，墨丸比較散，sosad🧉甜品係椰汁大菜糕同椰汁西米糕，椰汁味太重，西米則硬而咸，我地食左一啖就無食了。