名人坊高級粵菜 (Closed)

冬至大過年，今年訂咗名人坊慶祝，七大兩小，book左房，但其實佢地地方唔大，所謂的房亦只是開放式，除非你人多！今次叫咗好多唔同嘅菜式試試！咸蛋炸魚皮，超鬆脆，咸蛋剛好不太邪惡，忍不住吃完一round又叫多一round!金蠔～內超軟嫩，似流心咁，好好味！松茸螺頭湯，好正，一滴油都冇，又清又正，d湯渣肉都好淋！平時絕不吃湯渣的我都忍不住吃了幾舊！蛋白蒸大蟹鉗！請預訂！超鮮甜！啖啖肉！新鮮！上湯龍蝦，好美味，多膏！啖啖肉！八寶鴨，好好味！自己以前對八寶鴨冇乜特別好感，因為覺得膩同濟，但呢個有驚喜！裡面有栗子同咸蛋黃，甜甜地，好味炸子雞，皮脆內嫩，多汁！豉汁蒸鱔，餐牌冇的，專登叫人特別整比我地，好味彈牙！洋蔥焗蟹蓋，好多蟹肉！鮑魚絲炒米粉超級正！不要看佢好似好平凡，但係超級推介！米粉彈牙爽口，乾身！不油膩！吃完之後牒上沒有半滴多餘的油！可見做得十分出色！白汁焗意粉，好香！即叫即焗！廚房特意為我們準備的陳皮豆沙加湯丸來慶祝冬至！陳皮豆沙十分香，陳皮味十足，雖然已經好飽，但都忍不住吃曬！湯圓是街外貨，所以一般。