Video
Read full review
2023-01-23
2974 views
終於又可以一家人食團年飯！之前都嚟食過，食物質素好有水準，所以大家一致投票再嚟，預訂咗富貴吉祥海鮮全包宴，預早落單可以減$500、價錢都算合理。上菜次序：1️⃣香草焗手剪乳豬-冇誇張真係好好食，熱辣辣皮脆肉嫩，全家人都讚，2️⃣上湯生猛龍蝦伊麵-龍蝦新鮮份量足，上湯焗味道適中，伊麵底亦整得唔錯，3️⃣菜膽濃雞湯燉花膠-碗碗都有花膠，味道好夾，連湯料嗰半隻雞都好入味，不過太多餸所以冇乜點食，4️⃣清蒸游水大海斑-我自己就唔食魚嘅，不過屋企人話條魚蒸得唔錯，冇話蒸過頭，5️⃣炸子雞-香脆好味，6️⃣生財南非鮑魚扒鵝掌-鮑魚夠大隻，鵝掌我自己就覺得爭少少腍，但其實合格嘅，不過如果再腍啲就仲好食，生菜底正常，7️⃣水晶鮮蝦菜苗餃-皮薄裏面都幾多菜苗，好食，8️⃣蜜糖脆麻花-正常好味，9️⃣西米蓮蓉焗布甸-保持水準，唔太甜又夠香，1️⃣0️⃣生炒臘味糯米飯-大家都好期待個糯米飯，冇令人失望。整體食物質素全部都好高分，全部都好味，菜單都可以彈性嘅，因為本身套餐係豉油雞，但我哋鍾意食炸子雞，都可以轉到唔需要加錢，服務基本上啲姐姐全部都好有禮貌。我哋已經坐低人齊，碗杯都洗晒，跟住佢先至話我哋張枱本來要同隔離張枱留俾人，本身要我哋轉枱，呢度就有啲
上菜次序：1️⃣香草焗手剪乳豬-冇誇張真係好好食，熱辣辣皮脆肉嫩，全家人都讚，2️⃣上湯生猛龍蝦伊麵-龍蝦新鮮份量足，上湯焗味道適中，伊麵底亦整得唔錯，3️⃣菜膽濃雞湯燉花膠-碗碗都有花膠，味道好夾，連湯料嗰半隻雞都好入味，不過太多餸所以冇乜點食，4️⃣清蒸游水大海斑-我自己就唔食魚嘅，不過屋企人話條魚蒸得唔錯，冇話蒸過頭，5️⃣炸子雞-香脆好味，6️⃣生財南非鮑魚扒鵝掌-鮑魚夠大隻，鵝掌我自己就覺得爭少少腍，但其實合格嘅，不過如果再腍啲就仲好食，生菜底正常，7️⃣水晶鮮蝦菜苗餃-皮薄裏面都幾多菜苗，好食，8️⃣蜜糖脆麻花-正常好味，9️⃣西米蓮蓉焗布甸-保持水準，唔太甜又夠香，1️⃣0️⃣生炒臘味糯米飯-大家都好期待個糯米飯，冇令人失望。
整體食物質素全部都好高分，全部都好味，菜單都可以彈性嘅，因為本身套餐係豉油雞，但我哋鍾意食炸子雞，都可以轉到唔需要加錢，服務基本上啲姐姐全部都好有禮貌。我哋已經坐低人齊，碗杯都洗晒，跟住佢先至話我哋張枱本來要同隔離張枱留俾人，本身要我哋轉枱，呢度就有啲麻煩，講咗一輪之後先至佢哋自己處理。另外一個最大嘅問題就係上菜時間，初頭上菜時間全部正常，但食完條魚之後就停咗，追咗幾次之後先上隻雞，等咗最少40分鐘，之後又等咗20分鐘先上鮑魚扒鵝掌，跟住又等咗30分鐘以上先上水晶菜苗餃，蜜糖脆麻花同西米焗布甸，糯米飯最後仲要再等多10分鐘先到。
我哋訂枱係6:00pm，人齊叫上菜第一道菜6:25pm上乳豬，最後上糯米飯，大家都急住走，食埋買單應該9:00pm左右。我屋企人食嘢可能比較快，但係佢中間有啲菜等嘅時間似乎真係相隔太耐，如果佢啲時間正常少少，應該最少可以返一次枱，而家咁樣佢夜晚只可以做一枱，其實之前都有呢個問題出現，我覺得佢哋真係要認真考慮改善下。
香草焗乳豬
上湯生猛龍蝦伊麵
菜膽濃雞湯燉花膠
清蒸游水大海斑
炸子雞
生財南非鮑魚扒鵝掌
水晶鮮蝦菜苗餃
蜜糖脆麻花
西米蓮蓉焗布甸
生炒臘味糯米飯
Post
