金家樂茶餐廳

Open Now

Now Closed

今日同朋友食團年飯，大家喺大角咀做完運動就去金家樂叫小菜食。金家樂係一間非常街坊嘅茶餐廳，基本上你諗倒嘅小菜都有得食，收銀處不是伯伯就是嬸嬸，侍應通常都串串貢咁，十分地道。因為係團年，今日都叫左幾多餸，有霸王雞，蒸倉魚，咕嚕肉，黑椒牛仔骨，沙嗲肥牛粉絲煲，炒雜錦，炒芥蘭，粉絲雜菜煲，真係幾豐富。霸王雞有雞味，雞肉嫩滑，火候剛剛好。咕嚕肉甜酸適中唔油膩，係件大件細唔多均勻。沙嗲肥牛煲夠入味，不過感覺上肥牛比較少，粉絲份量太多了。炒芥蘭夠鮮夠嫩，雜菜煲亦算入味。以茶餐廳來說，佢絕對合晒格有餘。最正係食到中途，侍應提醒我地因為要收爐，所以先把糖水裝好，放住喺隔離枱先，我地食完飯可以自己拎黎飲。呢 D 人情味，先至係街坊茶餐廳最令人喜愛嘅地方。糖水係芋頭西米露，濃濃的，材料很足，味道唔算好好，但郤令人暖在心頭。