漁川坊

Open Now

Now Closed

今年團年飯，選了這間新開的小菜舖頭。我地一家七口，總共叫了7餸1湯：海底椰粟米煲豬𦟌，上湯龍蝦伊麵，菜膽雞，炸蝦多士，炸茘枝蝦丸，瑤柱扒豆苗，蒸石斑魚，蒜蓉粉絲蒸日月貝。每一個餸都好好味，蒜蓉粉絲超送飯，尤其佢嘅汁，不自覺咁又叫多咗一碗飯食。蒸石斑魚蒸得剛剛好，魚肉夠晒嫰。炸茘枝蝦丸最有驚喜，原本以為只是普通炸蝦膠啫，點知入面原來壤咗芝士，超surprise！估佢唔到。講完食物，我真心要讚下呢間餐廳嘅廁所，我好少見到餐廳有咁乾淨嘅廁所，值得一讚。