Video
Read full review
2011-05-23
11 views
宜家好多野都團講，PRC都唔例外，之前推出$38一人套餐，睇完介紹及做完Openrice research後決定試試。由於地點問題，所以拖到近期才可親身一見蘆山真面目。由於買了兩份，所以與另一位女友人去嘗嘗。當然，看了之前的一眾食家嘗過此套餐後都不吝嗇給于"笑臉"，信心是一定有的。不過未嘗其餐，此餐廳就在我心下了第一道刺。皆因在訂枱時，接線的那位人兄就已經直言 "只可以要意粉，冇雞。(註：主菜二選一，燒雞或卡邦尼意粉)" 我不明原因，由於本想希望每一道主菜各一，所以希望知道原因並問 "點解會冇雞GEI?" 但對方並無提供原因並只回答 "就係冇雞。" 態度上已表明不想對你道出原因，由於套餐快到期的關係，而之前的食家也認為意粉不錯，所以也就照去吧！環境：與友人去到餐廳時人客有十多個，我們二人坐室內，雅緻的環境與外面嘈雜的人客好唔match。雖然內外中間有一列玻璃門，但外面經常大叫大嚷把室內的輕快音樂也蓋掉，心情難免受影響。及後我對友人說出"冇雞"的情況及原因，她也提示奇怪，可能餐廳單方面更改餐牌。之後，身邊開始多客，但位置尚算足夠。其他人客原來大多數都是來吃團講餐的。本以為所有人都係食意粉
不過未嘗其餐，此餐廳就在我心下了第一道刺。皆因在訂枱時，接線的那位人兄就已經直言 "只可以要意粉，冇雞。(註：主菜二選一，燒雞或卡邦尼意粉)" 我不明原因，由於本想希望每一道主菜各一，所以希望知道原因並問 "點解會冇雞GEI?" 但對方並無提供原因並只回答 "就係冇雞。" 態度上已表明不想對你道出原因，由於套餐快到期的關係，而之前的食家也認為意粉不錯，所以也就照去吧！
環境：與友人去到餐廳時人客有十多個，我們二人坐室內，雅緻的環境與外面嘈雜的人客好唔match。雖然內外中間有一列玻璃門，但外面經常大叫大嚷把室內的輕快音樂也蓋掉，心情難免受影響。
及後我對友人說出"冇雞"的情況及原因，她也提示奇怪，可能餐廳單方面更改餐牌。之後，身邊開始多客，但位置尚算足夠。其他人客原來大多數都是來吃團講餐的。本以為所有人都係食意粉的時候，竟然俾我聽到負責人覆述的食物當中係有"雞"GA！點解一樣係團講餐，其他客有雞但係我地唔可以ORDER？問佢地就只係話冇！信心盡失，只求食物質素撘救。
味道：
1. 沙律 - 與之前食評中照片的不同，我的只有沙律菜同罐頭粟米......相同的地方就是大家都係一樣咁細......沙律中己落醋，味道微酸，菜身爽口，可惜罐頭粟米的artificial味破壞了整個沙律的味道，整體中下。
2. 卡邦尼意粉 - 每碟意粉上枱時的份量有嚴重的出入，有多有少，剛好友人的就是明顯的少。以Italian Tomato同一款意粉作比較，友人的份量比Italian Tomato的更少，而我的則差不多。但旁邊其他的食客則比較多，他們也望望我們的意粉後輕聲說"人地嗰D少咁多既?" 第二條刺......不知道意粉是否被放在一旁很久，上桌只有微溫，意粉中的菇更加是凍的！有吃過卡邦尼意粉經驗的朋友應該知道凍佐既卡邦尼意粉會係乜野情況 --- 醬汁變得黏稠，會把口漿住，吞下時也比較困難。
麵條方面頗硬！部份麵條經咬嚼時會有吃到"粉狀物質"既感覺 --- 內裏未熟透！然而，意粉的醬汁雖然稠但味道很好，奶油和蛋的香味能夠不斷地湧出來，填滿整個口腔。
不過，有一樣可惜的事，就係友人吃意粉吃到蛋瞉！令她進一步顯得不愉快。
3. 泡芙 - 又係數量問題，之前既食家係每兩人有6粒，我地兩個人就只係得4粒。過份！(第三條刺！) 不過以味道來說，這個泡芙係最好的了。泡芙中間夾了雪糕，當咬下去泡芙的一瞬間，雪糕從內裏用力鑽出來並向四方八面暴走，味道不錯。
4. 凍檸茶 - OK LA, 不用叫小甜味道也剛好。
觀察到部份食客面前的燒雞竟然冇得點火，有食客詢問後提示D客唔鐘意所以唔點。唔知係真定假LA。不過從觀察鄰桌的雞所知，雞身較乾及雞皮好鄒。殊不知他們吃了兩啖後很說了句 "都幾乾。"
服務：從以上所看，溝道係一大問題，未能為客人釋疑係一大敗筆。體貼服務一點也沒有，在上菜時還弄濕了友人的衣而不顧離去。
衛生：廁所在餐廳室內，部份餐桌更是在廁所旁邊。由於廁所內裏很細，每次有人出入都能清楚地看見個廁所。總之就方便，可一邊觀賞廁所，一邊品嘗食物。
總結：三十八蚊，當買教訓！抵唔抵食？見仁見智~~
Post