Video
Read full review
2018-11-12
1416 views
是日同朋友係Yahoo團購買左飛先，買完記住都要book位，到現場要以原價俾加一服務費。一去到因為平日黎，冇咩人，所以未到預約時間都已經俾左我地入去坐，一坐低店員話因為冇咩人其實唔會限時，坐幾耐都得，所以我地放心出去攞食物，呢個店員人好有禮貌，成晚換爐收碟都好快，人好好。點知攞左食物，前枱就話我地做咩攞野食呀…一攞就要開始計兩小時啦，果下我地未齊人既…但其實佢都冇咩客，門口果啲枱安排哂人，但入邊場一枱客都冇，所以前枱好明顯係大我地，而且係佢俾我地入既，最後我地都冇俾人限時，覺得前枱態度都幾唔好，但場內店員都好有禮貌，收碟果啲都好快，唔會阻到擺野，呢個要讚下場內店員們。沙律吧同壽司吧，壽啲飯都幾硬下，夾左一兩次就冇再攞。刺身每人限取兩款同每款得3片，選擇少，我食左三文魚，劍魚腩同立魚，立魚有雪味好唔新鮮。三文魚同劍魚腩都幾好食。飲品有兩個雪櫃任取汽水等等，仲有呢3款揀。菊花茶都唔錯，檸水冇味。燒烤配料都齊哂豬牛雞揀，仲有啲魚，魷魚，豬大腸等等可以揀。除左食到魷魚鬚有啲怪外，其他正常，豬就偏乾，最好食係一口牛。甜品區都多選擇，不過就冇咩特色野，朋友食左豆腐花覺得唔錯，我食左桂花糕都覺得幾好
沙律吧同壽司吧，壽啲飯都幾硬下，夾左一兩次就冇再攞。
刺身每人限取兩款同每款得3片，選擇少，我食左三文魚，劍魚腩同立魚，立魚有雪味好唔新鮮。三文魚同劍魚腩都幾好食。
飲品有兩個雪櫃任取汽水等等，仲有呢3款揀。菊花茶都唔錯，檸水冇味。
燒烤配料都齊哂豬牛雞揀，仲有啲魚，魷魚，豬大腸等等可以揀。除左食到魷魚鬚有啲怪外，其他正常，豬就偏乾，最好食係一口牛。
甜品區都多選擇，不過就冇咩特色野，朋友食左豆腐花覺得唔錯，我食左桂花糕都覺得幾好，啲蜜瓜都幾甜。
熱食區，我要讚下啲小菜，拍青瓜，涼拌木耳同涼拌大豆芽都好食，泡菜都唔錯，食韓燒太熱氣同油膩，所以有呢啲拌菜中和下。熱食最好食同特別係燒賣，攞左好幾次，羅宋湯我同朋友都覺得好飲，我自己仲攞左紅酒牛尾，但都幾難咬得開。
整體黎講，食物質素就一般同冇咩特色，有團購先會黎食，正價食就唔太抵。不過以特價食就冇得儲里數，想儲里數既人要留意！
Post
