Video
Read full review
2011-08-20
33 views
喺佢未攪團購前，其實已經幫襯過好多次，之前亦有介紹朋友去幫襯。基本上，食雪花冰的話都剩係會幫襯四哥！貪佢個冰唔會易融，水果味食落亦唔會太假，份量亦足。之前見Groupon 有四哥嘅團購，就只係買咗幾張，因為怕會份量縮水+已經不時 full house的四哥等位都有排等！晚上約十時, 全場爆滿，但門口無人等位，只有我同女友二人，拎了籌等了一會，有張四人枱走，但之後被staff放咗留座牌，再過一陣亦有張二至四人圓枱離開，但等了良久亦未有員工安排座位，只表示暫時好忙請稍等多一陣。最後，被安排了坐之前被放咗留座牌張四人枱!!!! @@””””完全唔知點解要係門口罰企咁耐！明明派了籌給我們等，仲要我地後面無其他人等位；我知，佢地想盡量留得到大枱就留到最後，但明明有吉枱、又無其他四五六人等緊，係都唔俾我地入去坐！家下二人生意唔做、剩係等做四人生意呀？！咩服務呀？！坐下後，用$18團購得來的coupon 點了 黃金戰士 (芒果雪花冰+火龍果+三色蒟蒻+芒果漿; 原價 $40)，另外叫咗阿華田木槺布甸 ($26)。基於用coupon 緣故，都估到雪花冰的份量會細咗，但四哥的雪花冰的確好味過其他店！不過
之前見Groupon 有四哥嘅團購，就只係買咗幾張，因為怕會份量縮水+已經不時 full house的四哥等位都有排等！
晚上約十時, 全場爆滿，但門口無人等位，只有我同女友二人，拎了籌等了一會，有張四人枱走，但之後被staff放咗留座牌，再過一陣亦有張二至四人圓枱離開，但等了良久亦未有員工安排座位，只表示暫時好忙請稍等多一陣。
最後，被安排了坐之前被放咗留座牌張四人枱!!!! @@””””
完全唔知點解要係門口罰企咁耐！明明派了籌給我們等，仲要我地後面無其他人等位；我知，佢地想盡量留得到大枱就留到最後，但明明有吉枱、又無其他四五六人等緊，係都唔俾我地入去坐！家下二人生意唔做、剩係等做四人生意呀？！咩服務呀？！
坐下後，用$18團購得來的coupon 點了 黃金戰士 (芒果雪花冰+火龍果+三色蒟蒻+芒果漿; 原價 $40)，另外叫咗阿華田木槺布甸 ($26)。
基於用coupon 緣故，都估到雪花冰的份量會細咗，但四哥的雪花冰的確好味過其他店！不過，眼見其他無用coupon的人點的雪花冰 其份量跟我們的是一樣…咁咪即係變相加咗價？@@”” $40正價得咁細碟……貴……
至於阿華田木槺布甸~~女友的愛好物…「好好味yummy！」
用coupon者，結賬時請注意！！
收銀小姐自己都尚未清楚其coupon計法！我們好明顯係用coupon 換那$40 的雪花冰吃，再用$26 買個木糠布甸來吃；點解結賬時要收我$40？@@
收銀小姐：「張coupon 用來扣減最低價錢嘅product，咁扣咗$26，所以要補返$40。」
Me：「吓！我張coupon係用黎換”雪花冰” 用架喎！你無理由攞我張雪花冰coupon 去扣我嘅布甸錢架？！我張coupon 係買黎食”冰”，唔係食其他野架喎！點解要咁扣？」
收銀小姐：「先生，頭先你落order 時，同事無同你解釋過點用法嗎？coupon 係只可以扣最平果件野！如果先生你都係唔太明我地張coupon的用法，不如叫老闆娘同你解釋一下！」
……一輪混亂後……
某staff：「佢地補返布甸果$26就得喇！」
睇黎，唔係我地唔明coupon的用法！係阿收銀小姐完全唔明自己公司張coupon 點用法，點計法囉！@@””
好在今次我只是兩人同行、點了兩款甜品，條數易計易明好多…如果多人吃、又唔係全枱個個都用coupon的話，埋單時都唔知會點咯……
Post
