小城鎮 (Closed)

最近因為買咗yahoo團購餐而認識呢間餐廳。就咁睇個menu都幾吸引同豐富!同埋睇過佢正價個價錢真係平咗,覺得幾抵食,所以同屋企人嚟試下。首先講下佢個前菜沙律，啲沙律菜都新鮮，不過略嫌唔係好夠沙律汁，可能佢落多少少沙律黑醋會好味啲，而家就變相有啲淡口。至於小食我哋叫咗白汁青口同小城雞翼，個雞翼真係煮得幾好味， 外皮香脆而雞肉都幾嫩。 至於青口加埋個白汁，感覺非常之香滑。雖然個青口都應該係急凍嘅，不過口感唔差，食落去都唔会太梅dum dum。主菜方面，我先生叫左煎個牛扒，而我就叫咗個香煎比目魚，我媽媽就叫咗個德國咸豬手。德國咸豬手外皮好香脆，啲肉都幾嬾，絕對冇overcooked嘅情況出現,不過就少少偏鹹，但整體真係唔錯。而我嗰香煎比目魚，我略嫌個魚嘅份量少咗啲，但係佢個外皮都煎得好香口，同埋魚質都幾滑。至於我先生佢就覺得個牛扒有啲鞋，唔算太出色。最後去到個甜品，手指餅加埋個忌廉。個忌廉應該係加咗啲白朱古力既配料入去打，就咁空口食嘅話都唔會太膩，仲覺得幾好味!反而啲手指餅因為有啲咖啡汁(或者甜酒之類)浸過，我麻麻地喜歡。至於任食既甜品，四款都係芝士餅。坦白講唔算太過出色，亦都唔算難食。不