Video
Read full review
2011-02-09
5 views
經團購買左優惠券, 二十五蚊當五十蚊用, 首選圓方比較新的分店試食, 初(四)下午約一點半到, 景觀仍可邊食邊睇人玩溜冰, 但當時唔多食客, 買票唔洗等.磨菇漢堡餐 ($72)購票時我問服務員有冇甜醬, 佢覆我個餐唔係什麼雞包, 醬要加三蚊, 有點失望, 當我返回餐枱時, 見每張枱上有支茄汁, 覺得剛才大家有點溝通問題.服務員話個包係即叫即做, 等左六分鐘後個套餐由服務員送上 唔該晒.我地兩人先食薯條, 炸得頗脆, 直徑比一般快餐店粗身, 唔錯啦.主角頂部放件青瓜, 特顯其賣相, 若人客不嗜 可以請同行的朋友食, 整個包幾厚身, 內藏一片片磨菇 配合芝士醬汁, 最重要的牛肉亦做到蘚味, 入口惹味, 美中不足係牛肉有點乾身, 未致有肉汁流出, 跟餐汽水轉熱咖啡唔洗加錢, 令我意想不到.想加個混醬薯條小食, 購票時問服務員個小食有乜材料, 點知佢同我講英文, 我再問 Can u speak Chinese? 佢就指着身傍的服務員, 不過佢用中英文同我講, 我只好怪自己英文囗語屬低level, 故放棄買小食, 留待四點下午茶.整個漢堡包合格有餘, 但個包味道未算頂級, 對物有所價就有點保留
磨菇漢堡餐 ($72)
購票時我問服務員有冇甜醬, 佢覆我個餐唔係什麼雞包, 醬要加三蚊, 有點失望, 當我返回餐枱時, 見每張枱上有支茄汁, 覺得剛才大家有點溝通問題.
服務員話個包係即叫即做, 等左六分鐘後個套餐由服務員送上 唔該晒.
我地兩人先食薯條, 炸得頗脆, 直徑比一般快餐店粗身, 唔錯啦.
主角頂部放件青瓜, 特顯其賣相, 若人客不嗜 可以請同行的朋友食, 整個包幾厚身, 內藏一片片磨菇 配合芝士醬汁, 最重要的牛肉亦做到蘚味, 入口惹味, 美中不足係牛肉有點乾身, 未致有肉汁流出, 跟餐汽水轉熱咖啡唔洗加錢, 令我意想不到.
想加個混醬薯條小食, 購票時問服務員個小食有乜材料, 點知佢同我講英文, 我再問 Can u speak Chinese? 佢就指着身傍的服務員, 不過佢用中英文同我講, 我只好怪自己英文囗語屬低level, 故放棄買小食, 留待四點下午茶.
整個漢堡包合格有餘, 但個包味道未算頂級, 對物有所價就有點保留, 若價值平一點便會評為笑臉.
幸好我仍有一張優惠券, 已選擇於海港城分店享用.
下次來圓方就想試埃及漢堡 Burger and dogs, 不過見食評就一般.
($72-25)/2=$23.5
Post
