Chibee Chicken and Beer (Closed)

之前都黎過呢間餐廳好幾次，都好鍾意呢到既食物，今次見到Groupon 有coupon 買，2人套餐都係$166，剛好有我最鍾意既炸雞同埋年榚，仲包埋野飲添。年榚有得揀卡邦尼同埋辣味年榚，其實兩款我都試過架啦，但係今日無啦啦想食辣野，所以叫左辣味年榚，唔知點解今次好似特別辣咁，辣到流晒眼淚呀。炸雞方面我地叫左鄉村風味炸雞 ，有別於其他雞，呢款雞係有骨既，要吐骨，食得多都有D累。不過D雞炸得好脆，又唔會太油，雖然有2款唔同既汁伴碟，但係我都係覺得唔點D汁仲好味。飲品方面我地叫左一jar fruit punch，今次都係多得呢jar fruit punch先至食到D辣味年榚，唔係太食得辣既朋友都係叫卡邦尼好啦。