青葉日本料理 (Closed)

一直都知青葉啲質素唔係咁好,起初見佢攪團購都冇乜想買嘅衝動,直至有波友提議去食,心想都係佰零蚊當係俾多次機會佢,都特登唔揀旺角店,俾多10蚊買尖咀,就係咁就中伏喇!除咗食物唔得外,估唔到服務一樣咁唔掂;多次漏單,特別係貴價些嘅要催幾次先肯出俾你,後期波友走先,佢地個位仲剩返我地share叫嗰碟串燒,上面仲有一件粟米同埋另一碟炒菜喺度,係我諗住會食埋去既,點知個望落去全場最高級類似經理嘅物體二話不說,問都冇問就收晒並倒落架垃圾車度,跟住佢就扮聽唔到我叫咁走咗去,我當堂火都嚟埋,轉個頭佢又走嚟執我張檯,攪乜?莫非佢當我透明?我忍唔住喇!我叫佢唔好再執,佢話以為我唔要,佢憑乜認為我唔要呢?我又冇離座,又冇示意叫佢地執嘢,我知佢地想早啲收工啫嘛,但個團購賣嘅時段係9pm-12am,嗰陣11:00零鐘咋,10:30就last order話廚房10:45關爐,唔通我真係唔理食唔食得晒都叫到成檯嘢先咩?仲有,我9點鐘未夠就去到等入座,帶位前就已經話燒蝦同鰻魚賣晒,乜唔係應該每個時段有個quota架咩?之前買過咁多間日本料理放題嘅團購都未試過咁既,今次真係貼錢買難受喇!好彩嚟食之前去KXC每人整咗過越