Video
Read full review
2012-03-15
22 views
餐湯：個紅湯好稀，又好酸沙律：得幾條草幾塊葉，加埋6塊都唔知有無，原來可以叫做沙律頭盤：青口鬼死咁細隻，好似煲湯D淡菜咁，同幅圖不符。多左一 pat 三文魚薯蓉，另外隻蠔係鯹既主菜（我地三人行，揀了3款share來食）：1. 三文魚扒：塊扒都好薄，食落無味架，只可憑口感知道係食緊魚。呢款算係3款之中最好了2. 豬仔骨拼鴨胸：鴨胸幾好食，但條豬仔骨唔知點解有條打橫既筋無起到，所以係完全切唔開分做一舊舊share來食，只可以用刀慢慢批來食，把刀又唔係鋸扒刀喎，仲要鈍到暈。D豬仔骨個汁，係普通燒烤醬3. Pizza: 佢地落左好多沙律醬入個批，加埋D波蘿火腿，D芝士又少又怪怪咁，陣味好難食，似幾種生果熟晒既生果加埋再放入個盒度的味道甜品：餐牌有木槺脆脆杯／燉蛋揀，原來係呢2樣都無，每人來三杯好細的提子啫哩，朱古力mousse(我估係）同埋咖啡奶凍，3款都仲要係溶溶地。其實佢地做咁細杯係啱架，因為真係好難食，整大杯盞浪費飲品：餐牌寫住希6款可選，但只得頭四款係有，沙冰係無架環境：好污糟，我地坐窗房，咁有個駁位可以擺嘢，但你見到後完全唔會擺，因為好多食物碎喺度服務：1. 等位時安排亂，我地訂了7
餐湯：個紅湯好稀，又好酸沙律：得幾條草幾塊葉，加埋6塊都唔知有無，原來可以叫做沙律
頭盤：青口鬼死咁細隻，好似煲湯D淡菜咁，同幅圖不符。多左一 pat 三文魚薯蓉，另外隻蠔係鯹既
主菜（我地三人行，揀了3款share來食）：
1. 三文魚扒：塊扒都好薄，食落無味架，只可憑口感知道係食緊魚。呢款算係3款之中最好了
2. 豬仔骨拼鴨胸：鴨胸幾好食，但條豬仔骨唔知點解有條打橫既筋無起到，所以係完全切唔開分做一舊舊share來食，只可以用刀慢慢批來食，把刀又唔係鋸扒刀喎，仲要鈍到暈。D豬仔骨個汁，係普通燒烤醬
3. Pizza: 佢地落左好多沙律醬入個批，加埋D波蘿火腿，D芝士又少又怪怪咁，陣味好難食，似幾種生果熟晒既生果加埋再放入個盒度的味道
甜品：餐牌有木槺脆脆杯／燉蛋揀，原來係呢2樣都無，每人來三杯好細的提子啫哩，朱古力mousse(我估係）同埋咖啡奶凍，3款都仲要係溶溶地。其實佢地做咁細杯係啱架，因為真係好難食，整大杯盞浪費
飲品：餐牌寫住希6款可選，但只得頭四款係有，沙冰係無架
環境：好污糟，我地坐窗房，咁有個駁位可以擺嘢，但你見到後完全唔會擺，因為好多食物碎喺度
服務：
1. 等位時安排亂，我地訂了7點，6點9左右就到，但訂了8點檯食團購餐的人，6點幾到都照俾位佢先。唔知係咪訂左位，唔理訂左幾點都好，總之計來到的時間，先來先入座？如果係咁的話要求人訂位有乜意思呢？個人又9唔搭8咁話訂左6點幾既都未入到，仲等緊檯。我地好唔明咁點解訂8點既可入先。
2. 佢地裝食物的碟又長又大，都幾阻地方，無位擺食物，叫佢地收，永遠都係應左你轉頭，之後就一去無回頭。原來要等架收餐具的車循迴咁兜一轉個餐廳先收。
3. 侍應態度都唔好，黑口黑面，你會以為自己得罪左佢
雖然呢個餐係cheap ($59/位＋$24/位服務費），但真係唔值，食物同服務質素都差，餐廳都應該做蝕本生意，但攪團購呢招應該係想吸客，想客人食過會返轉頭再幫襯，但我睇都幾難囉
Post
