君怡酒店咖啡屋 (Under Renovation)

上2年已經同fd試過呢間酒店，價錢合理，每位$300。於是乎見到佢有團購又再幫襯，順便同朋友慶祝生日。揀左星期五晚，方便食耐0的，第2日唔洗返工，一早訂左位，去到已經有位，重點係好近拎野食0既地方，正!!  之前黎食只係得蟹腳，估唔到而家多左好多海鮮選擇。 有龍蝦、蟹腳、琵琶蝦、熟蝦、翡翠螺、青口 .... 個人覺得都係蟹腳最鮮甜，我食左3-4轉，龍蝦同琵琶蝦都係好一般。有鐵板燒：鵝肝、蝦、冬菇、腸仔、豬扒 ....  個人喜歡食蝦，廚師都煎得好快，我都食左3-4轉。甜品方面比較普通，所以最吸引我就係HD雪糕啦!! 有我最鍾意0既咖啡味同朱古力味，我一個人食左4杯，簡直瘋狂 ~ 重點佢不停REFILL雪糕，唔會得單一口味，值得稱讚。