佳佳二姐甜品

Open Now

Now Closed

難得同朋友見面，食完飯當然想傾多陣計，咁岩大家都想食中式糖水，於是決定入呢間糖水鋪坐陣。相信呢間糖水鋪都幾出名，因為一入店內已坐滿好多人，其間陣陣薑味撲鼻而來，我同友人等左大約15分鐘終於有位。只見餐牌上款式繁多，最後我揀了熱冰糖燉木瓜($22)，打算潤一潤喉。店內員工手腳都幾快手，等左一陣糖水已經到。糖水碗因為高身關係，份量比想像中多。味道方面，個人覺得冰糖落唔夠，甜度差了一點，令糖水食落淡味。不過對於鐘意少甜的人士來說，可能是不錯的選擇。