金鶴拉麵 (九龍城道) (Closed)

好少嚟土瓜灣，聽我啲朋友講土瓜灣好多美食，佢哋推介左個試呢一間金鶴拉麵，呢間拉麵有好多分店㗎，佐敦中環北角都有。一於今日試一試先！我哋兩個人一人叫咗一碗拉麵，另外仲叫咗兩個小食。環境入到去好靚，好似去咗日本旅行咁，好有日式嘅風味，而且好乾淨企理。喺呢個疫情期間在做足晒預防措施，有探熱同埋入門口前要用酒精搓手。我好鍾意食蟹㗎😋見到有一款叫北海道蟹湯拉麵，即刻嗌！有木耳絲，荀片大蒜片仲有蟹肉同半只蛋。好香濃！😱食得出用好多嘅蟹去熬製呢個湯底，而且拉麵真係冇介紹錯，軟硬度非常適中，口感好好。另一款就係史上極濃白雞湯拉麵。雞湯非常濃厚，而且佢唔會好似出邊食嘅拉麵咁咸，一啖一啖好想飲好多湯😆我哋另外仲叫咗鰻魚串，十分推介！鰻魚串是由自家養鰻魚製，外脆脆地，內好嫩滑，好鮮味。店主跟我們說：鰻魚原條揀手入貨，自家屠宰去骨，保持新鮮有口感🤤另外點的唐揚炸雞亦很不錯，熱辣辣咁樣上枱，好香口好好食。食完拉麵，店主仲送咗綠茶果凍俾我哋食添，非常之窩心，一定會再來支持😊