金鶴拉麵 (九龍城道) (Closed)

屋企人想食拉麵，土瓜灣附近無咩拉麵店，所以揀左呢間雞湯拉麵。入到去見原來唔係只得拉麵食，有飯有串燒，本身我都唔太鐘意食拉麵，最尾揀左食飯。屋企人揀左濃雞湯拉麵，比起一般豬骨湯無咁油膩，除左拉麵必有既叉燒，佢仲有兩舊雞胸肉，相對又無咁肥膩。雞湯味超級濃郁，但又唔會覺得「流」，而且有兩舊雞胸，想食拉麵又怕肥既黎呢到岩晒。我食左一d都覺得好好味。我就揀左咖哩吉列豬扒飯，咖哩係日式版本，唔辣少甜 ，吉列豬扒唔會炸到好燶，味道唔錯。但試左拉麵下次都可以選擇返食拉麵。除此之外，我地叫左個鹽燒五花腩，味道唔錯，食落唔太肥，而且火侯算岩岩好。呢到環境，食物質素都唔錯。下次可以再黎過。