路邊煱 (Closed)

最近女友話土瓜灣有間打邊爐唔錯, 話要帶我去食, 終於有日放工收早可以去到.原來間餐廳叫路邊煱, 印象中好似有同事食過都ok.一坐低先睇menu, 都幾多選擇.  之後混下醬先.先點小食木耳, 酸酸地好開胃. 仲有個黃金豆腐磚, 外脆內軟, 正.叫左個花甲龍蝦鍋, 蕃茄湯底, 真心好飲, 味道濃, 唔會話淡咖, 證明落足料, 同女友飲完一碗又一碗.另外叫左個炸魚皮, 好脆口 =]  蜂巢豆腐, 硬得黎又嫩滑, 唔會散開哂.當然唔少左點左個生蠔同牛頸脊比女友, 佢最中意食. 牛頸脊好推介, 好爽滑味濃, 肉味較濃郁, 優質油花均勻分佈, nice!