鳴虎 (北帝街) (Closed)

近來都比較少過嚟呢條北帝街，今日上完堂喺呢條街搵嘢食，發現都多咗好多唔同類型嘅食肆，今日唔想食太豐富，所以喺度食一碗拉麵的份量比較好。因為太太最近個胃唔係太好，想食一啲清淡嘅食物，佢哋嘅服務都好體貼，特登幫我哋煮咗一碗喺Menu上冇嘅拉麵，鰹魚汁波菜拉麵，波菜份量豐富，湯底亦比較清淡，唔會太油膩。我點了日式魚乾豬骨湯拉麵，豬肉夠大片亦唔算好肥膩，醃製入味，輕輕用火煎得香口，魚乾豬骨湯算濃厚但又唔會好鹹，可以飲晒成碗湯底。拉麵亦夠煙靭有咬口。