品甜 (Closed)

同小友小熊一齊行去馬頭圍工聯會想話睇吓D電器，選擇唔多，睇唔夠一分鐘就閃!沿途經過一間叫品店咖啡店，被佢門口手寫餐牌上 "沙冰" 兩隻字吸引，再睇睇 Menu，有我大愛芒果沙冰喎! 即刻二話不說推門幫襯.一入門已經被寫係牆上推介嘅脆燒乳豬吸引，再點咗一份小食併盤，朱古力心太軟，小熊點咗杯覆盤子芒果特飲.脆燒乳豬跟餐有個餐湯同麵包，一向習慣食西餐有湯同麵包先叫完美，品甜不單只做到，份麵包仲好鬆軟好好味，唔係D嘉頓出品，可惜份量少咗D，好味嘅總係嫌少.小食併盤有炸薯條炸雞件同洋蔥圈，自從拒絕幫襯又貴又少嘅老麥之後，已經少食薯條，品甜嘅薯條用上粗身薯條，而且夠熱，雖知道冷冰冰嘅薯條係死罪，難以入口.洋蔥圈入口香脆，炸雞件亦外脆內軟又夠熱，最緊要點沙律醬，即時惹味提升.乳豬一入口，心裡面即時彈出三隻字! "法蘭度"!口感同澳門黑沙灣法蘭度嘅乳豬有九成相似! 脆豬皮比法蘭度更薄更脆更香口!法蘭度係澳門一個遠離人煙嘅角落開一間紅磚建築嘅餐廳，品甜內在環境同樣用紅磚，只不過座落係舊區土瓜灣，感覺淺水困蛟龍，如果開係沙田茵就一流! 心太軟內餡朱古力味超濃，甜到入心先係心太軟特式嘛.幫襯過幾間土瓜灣高質