鳩砌

Open Now

Now Closed

呢間喺土瓜灣嘅漢堡包外賣小店，雖然門面細細，亦無咩裝修，但好多人都覺得佢係土瓜灣數一數二好食嘅漢堡包。今晚終於試咗，亦好認同！👍🏼平時間中都會過嚟土瓜灣，但呢間舖好似不定時開鋪咁，今晚見到佢有開舖，即刻買嚟試試。鋪頭細細，但係keep住都有啲人喺度排隊等。我喺門口攞咗張Menu，研究咗一陣，個店員好細心即刻過嚟介紹。呢間漢堡包店可以自由配搭配料同醬汁，好彈性！最後我揀咗芝士漢堡加蛋再加蕃茄。漢堡包厚肉Juicy，餡料十足大大份，好味！期待下次再幫襯。